एक वर्षपछि कोर्टमा फर्किइन् सेरेना

अन्य

नेपाल लाइभ बिहीबार, असार ९, २०७९ ०८:०१

काठमाडौं– २३ पटकको ग्राण्डस्लाम एकल विजेता सेरेना विलियम्स एक वर्षपछि कोर्टमा फर्किएकी छन्।

विम्बल्डनको अभ्यास प्रतियोगिता इस्टबोर्नमा महिला युगल खेल जितेर उनी कोर्टमा फर्किएकी हुन्। सेरेना कोर्टमा पुग्दा दर्शकले उठेर अभिवादन गरेका थिए। डेढ घण्टापछि दर्शकले उनको जितको खुशी मनाएका थिए।

सेरेनाले ट्युनिसियाकी ओन्स जबुरसँग मिलेर महिला युगलको पहिलो सेटमा स्पेनकी सारा सोरिबेस टोर्मो र चेक गणतन्त्रकी मारी बुज्कोभालाई २-६, ६-३, १३-११ ले हराएर पुनरागमन गरिन्।

विम्बल्डनमा वाइल्ड कार्ड एन्ट्री जितेका ४० वर्षीया सेरेनाले जितसँगै कम्तिमा एक थप प्रतिस्पर्धात्मक खेल पाउने छिन्।

विम्बल्डन सोमबार (जुन २७) बाट सुरु हुँदैछ। गत वर्ष सेरेनाले अन्तिम पटक यस ग्रास कोर्ट प्रतियोगितामा खेलेकी थिइन्। पूर्वविश्व नम्बर एक सेरेनाको एकलमा हालको वरीयता १ हजार २०४ रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ४८ घण्टामा ९० जनाभन्दा बढीको मृत्यु

राप्रपाको आन्दोलनका कारण शिक्षकहरूको भोलिको प्रदर्शन बिहानलाई सारियो

जनशक्ति सामुदायिक वनमा पाटेबाघ मृत फेला