खगेन्द्र लामिछानेको ‘पानीफोटो’को टिजर सार्वजनिक

सिनेमा

नेपाल लाइभ बिहीबार, असार २, २०७९ १५:५३

काठमाडौं– अभिनेता तथा लेखक खगेन्द्र लामिछानेले निर्देशकको रुपमा डेब्यू गरेको फिल्म ‘पानीफोटो’को टिजर सार्वजनिक भएको छ। फिल्मको टिजर बिहीबार हाइलाइट्स नेपालको युट्युब च्यानलमार्फत सार्वजनिक भएको हो।

टिजरको सुरुवातमा अभिनेता अनुप बराल र अभिनेत्री मेनुका प्रधानलाई देखाइएको छ। तुवाँलोले ढाकिएको परिदृश्यमा ढुंगामा बसेका उनीहरू श्रीमान–श्रीमतीको भूमिकामा छन्।

आफ्नो सन्तानको खोजीमा हिँडेको उनीहरुको संवादबाट जानकारी मिल्छ। सार्वजनिक टिजरमा मेनुकाले बोलेकी छिन्, ‘हाम्रो बिहे नभएको भए छोरा जन्मिन्थेन। छोरा नजन्मिएको भए यसरी खोज्दै हिँड्नु पर्थेन क्यारे।’

साढे १ मिनेटको टिजरमा मेनुका र अनुप आफ्नो सन्तानको खोजीमा हिँडेको देखिन्छन्। विभिन्न ठाउँमा छोराको खोजीमा हिँडेको यात्रालाई फिल्मको टिजरमा छोटकरीमा देखाइएको छ। टिजरमा खगेन्द्र लामिछाने र मलिका महत पनि फिचर्ड छन्।

लामिछानेकै लेखन तथा निर्देशनमा बनेको यो फिल्ममा टिजरमा देखिएका कलाकारसँगै रमेश अधिकारी, प्रकाश घिमिरे, माओत्से गुरुङ, बुद्धि तामाङलगायतका कलाकारको अभिनय रहेको छ। जनयुद्धको समयमा बेपत्ता छोराको प्रतिक्षामा रहेका अभिभावकको कथा फिल्ममा देखाइएको निर्देशक लामिछानेले बताएका छन्।

रोजिना सिटौला र रविन्द्र बज्रचार्यको लगानीमा बनेको फिल्म साउन १३ मा प्रदर्शनमा आउँदै छ। फिल्मलाई दीपक बज्राचार्यले खिचेका छन् भने निमेश श्रेष्ठले सम्पादन गरेका छन्। पुष्पा संगमको पाश्र्वध्वनीले सजिएको फिल्म टुकी आर्टस् प्रालीको ब्यानरमा बनेको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अब बैंक खाता खोल्न राष्ट्रिय परिचयपत्र चाहिने

धरौटी रकम बुझाएर अदालतबाट निस्किए रवि

बेलबारी भिडन्तका बेला राखिएको बम २१ वर्षपछि ‘डिस्पोज’