नबिल बैंकद्वारा क्यूआर कारोबारमा आधारित क्यासब्याक योजना

कर्पोरेट

नेपाल लाइभ बुधबार, असार १, २०७९ १८:५२

काठमाडौं– नबिल बैंकले महिला तथा युवा ग्राहकलाई लक्षित गर्दै क्यूआर कारोबारमा आधारित नयाँ क्यासब्याक योजना ल्याएको छ।

नबिल बैंक र संयुक्त राष्ट्र पूँजी विकास कोषको सहकार्यमा आधारित ‘क्यूआर कोडः महिला र युवाका लागि नबिल बैंक डिजिटल प्रवर्द्धन’ परियोजनाअन्तर्गत यो योजना सुरु गरिएको हो।

विशेष गरी कोभिड १९ पछिको अवस्थामा डिजिटल वित्तीय समाधानमार्फत् महिला र युवाहरूको प्रवर्द्धन गर्ने उदेश्यको साथ यो योजना सुरु गरिएको बैंकले जनाएको छ।

१८ देखि २४ वर्षको उमेर भएको उद्यमी जो आफ्नो स्वामित्वमा व्यवसाय छ र जसले प्रत्यक्ष व्यवसाय सञ्चाल गरिरहेका छन्, त्यस्ता युवालाई यो योजना लक्षित गरिएको हो।

यसअधि नयाँ वर्षको अवसरमा पनि नबिल बैंकले यस्तै क्यासब्याक योजना सार्वजनिक गरेको थियो। एक महिनाको लागि सञ्चालन गरिने यस योजनामा महिला तथा युवा क्यूआर मर्चेन्टले गर्ने पहिलो क्यूआर कारोबारमा १० प्रतिशत वा अधिकतम प्रतिकारोबार २०० नगद फिर्ता दिइने बैंकले जनाएको छ। यो योजना असार महिनाभर लागू हुनेछ।

वित्तीय पहूँच नपुगेका महिला र युवा उद्दमीमा लक्षित यस योजनामार्फत नबिल बैंकले त्यस्ता उद्दमीहरूलाई बैकिङ च्यानलमा भित्र्याउने, पुराना निष्क्रिय मर्चेन्टलाई सक्रिय बनाउने र उनीहरुलाई डिजिटल वित्तीय समाधान प्रदान गरी दिगो वित्तीय रुपान्तरणलाई बढावा दिने लक्ष्य राखेको छ।

सन् १९८४ मा स्थापित यस बैंकले हाल १५० शाखा, १८७ एटिएम र १,५०० भन्दा बढी नबिल रेमिट एजेन्टहरु मार्फत आफ्ना ग्राहकहरुलाई समायनुकुल सेवा प्रदान गर्दै आएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खोलानालामा वातावरणीय बहाव कम, अधिकांश आयोजनाले पालना गरेनन् नियम

नेपालबाट हङकङ उडेको क्याथेको विमानमा खाना खाएका ३६ यात्रु बिरामी,क्याथेले माग्यो माफी

लण्डन पुगेका शेखरले भने- नेपालको राजनीतिक अवस्था एकदमै तरल अवस्थामा छ