काठमाडौं– नेकपा एकीकृत समाजवादीका अध्यक्ष माधवकुमार नेपालले काठमाडौं महानगरपालिकाका नवनिर्वाचित मेयर बालेन शाहलाई बधाई तथा कार्यकालको शुभकामना दिएका छन्।
एक व्यक्तत्व सार्वजनिक गर्दै उनले मेयर शाहलाई उनको प्रतिबद्धता अनुरुप काठमाडौंलाई उत्कृष्ट सहर बनाउने लगायतका सबै असल कार्यमा आफ्नो पार्टीको सहयोग एवं सहकार्य गर्न तत्पर रहेको प्रष्ट पारेका छन्।
‘यहाँले सार्वजनिक रूपमा प्रतिबद्धता गरे अनुरूप काठमाडौंलाई उत्कृष्ट सहर बनाउने लगायतका सबै असल कार्यमा सहयोग एवम् सहकार्य गर्न हाम्रो पार्टी सदैव तत्पर रहेको छ,’ नेपालले भनेका छन्।
अध्यक्ष नेपालले काठमाडौं महानगरपालिकाका नवनिर्वाचित उपप्रमुख, वडाध्यक्ष तथा सम्पूर्ण जनप्रतिनिधिलाई बधाई र शुभकामना दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
