दोहोरो अंकले बढ्यो सेयर बजार, कारोबार रकम भने घट्यो

बैंक/बिमा/सेयर

नेपाल लाइभ बुधबार, जेठ ११, २०७९ १६:०१

काठमाडौं– साप्ताहिक कारोबारको तेस्रो दिन बुधबार सेयर बजार दोहोरो अंकले बढेको छ। सेयर बजार परिसूचक (नेप्से) १४.३७ अंकले बढेर २२३१.५७ विन्दुमा पुगेको छ।

'क' वर्गका कम्पनीहरुको कारोबार मापद गर्ने सेन्सिटिभ इन्डेक्स पनि बुधबार २.४२ अंकले बढेर ४३५.०९ विन्दुमा पुगेको छ।

बुधबार कारोबारमा आएका सबै समूहको उपसूचकहरु बढेका छन्। सबैभन्दा धेरै व्यापार समूहको उपसूचक १.५३ प्रतिशतले बढ्यो।

बुधबार २६ लाख ९४ हजार ४२९ कित्ता सेयर किनबेच हुँदा सेयर बजारमा १ अर्ब ४ करोड ४६ लाख रुपैयाँ बराबरको कारोबार भयो। मंगलबार भने १ अर्ब ८ करोड ८८ लाख रुपैयाँको कारोबार भएको थियो।

बुधबार बलेफी हाइड्रोपावरको सेयरमूल्य सबैभन्दा धेरै ५.९२ प्रतिशतले बढ्यो। कम्पनीको सेयर कारोबार मंगलबारदेखि सुरू भएको हो। यस्तै, मैलुङ खोला जलविद्युत कम्पनीको सेयरमूल्य ५.८४ प्रतिशतले बढ्यो।

बुधबार कर्पोरेट विकास बैंकको सेयरमूल्य भने सबैभन्दा धेरै ७.१३ प्रतिशतले घटेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी