रोल्याण्ड-गार्रोस र ओपोद्वारा प्रिमियम पार्टनरशिपलाई निरन्तरताको घोषणा

कर्पोरेट

नेपाल लाइभ मंगलबार, जेठ १०, २०७९ ०९:०८

पेरिस– रोल्याण्ड-गार्रोस र ओपोद्वाले प्रिमियम पार्टनरशिपलाई निरन्तरताको घोषणा गरेका छन्। एफएफटीले ओपोसँगको सम्झौता नवीकरण गर्न पाउँदा हर्षित भएको जनाएको छ। अन्तर्राष्ट्रिय ब्राण्डसँगको यो साझेदारीले रोल्याण्ड गार्रोसको प्रभाव विश्वव्यापी स्तरमा पुर्‍याउने रणनीतिलाई थप बल मिलेको एफएफटीले बताएको छ।

एफएफटीका अध्यक्ष, गिलिस मोरेटनले भने, 'प्यारिसियन ग्राण्ड स्ल्याम र ओपोबीचको यो सहकार्य नवप्रवर्तन तथा प्रविधिमाथि केन्द्रित छ। रोल्याण्ड–गार्रोस र ओपो दुवै प्रयोगकर्तालाई इष्टतम अनुभव उपलब्ध गराउन आफूलाई निरन्तर परिस्कृत गरिरहने समान मूल्य, मान्यता र लक्ष्य बोकेका छन्। ओपोले भर्खरै आफ्नो नयाँ ब्राण्ड प्रस्ताव, ‘इन्स्पिरेशन अहेड’ सार्वजनिक गरेको छ। यो प्रस्ताव रोल्याण्ड–गार्रोसको नयाँ सिग्नेचर, ‘मूभ दि लाइन्स विथ स्टाइल’लाई प्रत्यक्ष रूपमा थप सार्थकता र बल प्रदान गर्ने देखिन्छ।'

इन्स्पिरेशन अहेडको अर्थ भविष्यका यात्रामा शान्तिका साथै आत्मविश्वासका साथ अघि बढ्नु रहेको उनले बताएका छन्। यसले बाधा अड्चनसँग दृढताका साथ साहसी भई लड्न र स्थिरता तोड्न उत्प्रेरित गर्ने बताइएको छ।

'प्रतिस्पर्धाहरुमा सहभागिता ओपोका लागि हाम्रा परस्पर उत्प्रेरणादायी भावना आदान प्रदान गर्न तथा आफ्ना प्राविधिक नवप्रवर्तनात्मक अनुभव हाम्रा विश्ववव्यापी प्रयोगकर्ताहरु माझ पस्कनका लागि धेरै लाभदायक छ', ओपोको ग्लोबल मार्केटिङका अध्यक्ष, विलियम ल्यूले भने, 'लगातार चौंथौ वर्षका लागि प्रिमियम पार्टनरका रुपमा ओपो, आफ्ना पृथक इमेजिङ प्रविधिमार्फत् टेनिस कोर्टमा अवलोकन, दृष्य कैद गर्न र सहभागिता जनाउँदै नयाँ प्रेरणादायी कार्यहरु गर्न चाहन्छ।'

सन् २०२२ टुर्नामेन्टको फ्रेमवर्क मातहत (१६ मे देखि ५ जुन सम्म) मा ओपोले स्टेडियम शो कोर्टको उत्साहजनक भिजिविलिटीको सदुपयोग गर्दै ‘आरजी : ओपो फोटो ग्यालरी’, विशेषतः ओपोको नयाँ फ्ल्यागशिप उपकरण: फाइन्ड एक्स फाइभ प्रोमार्फत् कैद गरिएका तस्विरको डिजिटल प्रदर्शणी सार्वजनिक गर्नेछ।

यसले फाइन्ड एक्सफाइभ प्रोको अदृतिय इमेजिङ क्षमता उजागर गर्नेछ। यी तस्बिरहरु रोल्यान्ड गार्रोस प्रतिस्पर्धा प्रत्यक्ष अवलोकन गर्नका लागि स्टेडियममा आउने दर्शकहरुले पनि प्रत्यक्ष हेर्न पाउन् भन्ने सोचका साथ टुर्नामेन्ट स्थलमा पनि प्रदर्शित गरिनेछ।

यो वर्ष पनि ओपोले ‘शट अफ दि डे’ अर्थात्, हरेक दिनको बेष्ट शट वा र्‍यालीको एक भिडियोका लागि सहकार्य गर्नेछ। यो भिडियो टुर्नामेन्टका विभिन्न डिजिटल प्ल्याटफर्महरूका माध्यमबाट पोष्ट गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ओलीलाई वर्षमानको प्रश्न- भुटानी शरणार्थी, यती,ओम्नी र गिरीबन्धु प्रकरण छानबिन गर्न संसदीय समिति कहिले गठन गर्ने?

स्कर्पियो–कार ठक्कर : १३ घाइतेमध्ये १ जनाको मृत्यु

सशस्त्र र नेपाल प्रहरी विधेयक संसदमा पेश गर्न मन्त्रिपरिषदको स्वीकृति