काठमाडौं– लुम्बिनी प्रदेशका १२ जिल्लामध्ये सात वटामा जिल्ला समन्वय समिति (जिसस) बनाउन एकल दलको बहुमत पुग्ने भएको छ। बाँकी पाँच जिल्लामा भने दलहरूले गठबन्धन गरेर वा सहमतिमा मात्र जिसस बनाउन सक्छन्।
कांग्रेसले सबैभन्दा धेरै तीन जिल्लामा बहुमत कायम गरेको छ। एमाले र माओवादी केन्द्रले दुई–दुई जिल्लामा बहुमत हासिल गरेका छन्।
प्रदेशका १०९ पालिकामध्ये अझै चार पालिकाको स्थानीय तहको मत परिणाम सार्वजनिक भएको छैन। मतगणना जारी रहेका पालिकामा रुपन्देहीको कोटहीमाई गाउँपालिका र तिलोत्तमा नगरपालिका, कपिलवस्तुको महाराजगन्ज नगरपालिका तथा दाङको तुलसीपुर उपमहानगरपालिका छन्।
पालिकाहरुको अन्तिम मतपरिणाम सार्वजनिक हुँदै गर्दा जिसस गठनको रस्साकस्सी सुरु भएको छ। जिसस गठनबारे नेपालको संविधान २०७२ को धारा २२० मा व्यवस्था गरिएको छ। जिल्लाका पालिकाहरूबीच समन्वय गर्न जिसस गठन गरिन्छ। पालिकाहरूबाट निर्वाचित प्रतिनिधिबाट जिल्ला सभा गठन हुन्छ। निर्वाचनको मतपरिणाम सार्वजनिक भएको ३० दिन भित्र सभा बसिसक्नु पर्छ। उक्त सभाले जिसस गठन गर्छ।
जिससमा एक प्रमुख, एक उपप्रमुख, कम्तीमा तीन जना महिला र कम्तीमा एक जना दलित वा अल्पसंख्यक सहित बढिमा नौ सदस्य रहने व्यवस्था छ । यसमा उम्मेदवार हुने व्यक्ति गाउँसभा वा नगरसभा सदस्य हुनुपर्ने छ।
पालिका प्रमुख र उपप्रमुखहरूको कुल संख्याको बहुमत रहेको पार्टीले जिसस गठन गर्छ। यसको आधारमा लुम्बिनी प्रदेशका १२ जिल्लामा पार्टीहरूले जिसस प्रमुखमा आफ्नो एकल वा गठबन्धन गरेर पद बाँडफाड गर्न सक्छन्।
बर्दिया– कुल मतभार १६
कांग्रेस–५/प्रमुख र ४/उपप्रमुख
एमाले– १/प्रमुख र ३/उपप्रमुख
माओवादी केन्द्र– २/प्रमुख र १/उपप्रमुख
कुलमत भार १६ मा कांग्रेसको जम्मा ९ मतभार रहेकोले बहुमत पुग्ने भएकोले जिसस एकल गठन गर्न सक्ने।
प्यूठान– कुल मतभार १८
कांग्रेस– ३/प्रमुख र ४/उपप्रमुख
एमाले– २/प्रमुख र २/उपप्रमुख
माआवादी केन्द्र– ३/प्रमुख र १/उपप्रमुख
जानमोर्चा– १/प्रमुख र २/उपप्रमुख
बहुमत पुर्याउन १० मत चाहिने हुँदा तालमेल गर्नुपर्ने हुन्छ।
रोल्पा– कुल मतभार २०
कांग्रेस– २/प्रमुख र ३/उपप्रमुख
एमाले– १/प्रमुख
माओवादी केन्द्र– ७/प्रमुख र ७/उपप्रमुख
माओवादी केन्द्रको कुल मत १४ रहेकोले उक्त पार्टीले एकल जिसस गठन गर्न सक्ने।
दाङ– कुल मतभार २०
कांग्रेस– ५/प्रमुख र ७/उपप्रमुख
एमाले– १/प्रमुख र २/उपप्रमुख
माओवादी केन्द्र– ३/प्रमुख
तुलसीपुर उपमहानगरपालिकाको अन्तिम परिणाम बाँकी रहेको छ। उक्त उपमहानगरको मतपरिणाम नआउँदै कांग्रेसले एकल रुपमा जिसस गठन गर्न सक्ने अवस्था छ। कांग्रेसको कुल मतभार १२ रहेकोले स्पष्ट बहुमत पुगेको छ।
बाँके– कुल मतभार १६
कांग्रेस– ६/प्रमुख र ५/उपप्रमुख
माआवादी केन्द्र– १/प्रमुख र १/उपप्रमुख
जसपा– १/प्रमुख र २/उपप्रमुख
कांग्रेसको ११ मतसहित स्पष्ट बहुमत रहेकोले बाँकेमा जिसस कांग्रेसले एकल रुपमा गठन गर्न सक्नेछ।
नवलपरासी(पश्चिम)– कुल मतभार १४
कांग्रेस–३/प्रमुख र ३/उपप्रमुख
एमाले– ३/प्रमुख र २/उपप्रमुख
माओवादी केन्द्र– १/प्रमुख र १/उपप्रमुख
राप्रपा– ०/प्रमुख र १/उपप्रमुख
बहुमतको लागी ८ मत आवश्यक रहने भएकोले कुनै एकल पार्टीको बहुमत नपुगेकोले गठबन्धन गर्नुपर्ने हुन्छ।
पूर्वी रुकुम– कुल मतभार ६
माओवादी केन्द्र– ३/प्रमुख र ३/उपप्रमुख
यो जिल्लाका सबै पालिका माओवादी केन्द्र विजयी भएकोले उसको एक माना जिसस गठन हुने निश्चित छ।
गुल्मी– कुल मतभार २४
कांग्रेस– ५/प्रमुख र ५/उपप्रमुख
एमाले– ३/प्रमुख र ७/उपप्रमुख
माओवादी केन्द्र– ४/प्रमुख मात्र
यो जिल्लामा कांग्रेस र एमालेको समान १० मत भार रहेकोले बहुमत पु¥याउन आवश्यक ३ मत पर्ने हुँदा गठबन्धन गर्नुपर्ने भएको छ।
पाल्पा– कुल मतभार २०
कांग्रेस– ३/प्रमुख र ४/उपप्रमुख
एमाले– ६/प्रमुख र ५/उपप्रमुख
माओवादी केन्द्र– १/प्रमुख र १/उपप्रमुख
एमालेको कुल मत १२ रहेकोले स्पष्ट बहुमत छ। जिसस एमालेले गठन गर्नेछ।
अर्घाखाँची– कुल मतभार १२
कांग्रेस– २/प्रमुख मात्र
एमाले– ३/प्रमुख र ५/उपप्रमुख
राष्ट्रिय जनमोर्चा– १/प्रमुख मात्र
माओवादी केन्द्र– १/उपप्रमुख
एमालेको ८ मतभार सहित स्पष्ट बहुमत रहेकोले जिसस गठन गर्नेछ।
रुपन्देही– कुल मतभार ३२
कांग्रेस– ९/प्रमुख र ४/उपप्रमुख
एमाले– ३/प्रमुख र ७/उपप्रमुख
जनता प्रगतिशिल पार्टी– १/प्रमुख र १/उपप्रमुख
जसपा– १/प्रमुख मात्र
लोसपा– १/उपप्रमुख मात्र
राप्रपा– १/उपप्रमुख मात्र
तिलोत्तमा र कोटहीमाईको मतपरिणाम आइसकेको छैन। त्यहाँको नतिजाले समीकरणमा परिवर्तन ल्याउन सक्छ। तर, अहिलेसम्मको परिणामले १७ मत ल्याएर बहुमत कसैको नपुग्ने भएकोले गठबन्धन गर्नु पर्नेछ।
कपिलवस्तु– कुल मतभार २०
कांग्रेस– ३/प्रमुख र ३/उपप्रमुख
एमाले– ३/प्रमुख र ४ उपप्रमुख
जसपा– १/प्रमुख र १/उपप्रमुख
राप्रपा– १/प्रमुख मात्र
लोसपा– १/प्रमुख मात्र
माओवादी केन्द्र– १/उपप्रमुख मात्र
महाराजगञ्ज नगरपालिकाको मतपरिणाम आउन बाँकी छ। यो जिल्लामा गठबन्धन गर्नु पर्ने हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
