सप्तरी– सप्तरीको छिन्नमस्ता गाउँपालिकाको अध्यक्षमा २५ वर्षीय विद्यान्द चौधरी निर्वाचित भएका छन्।
जिल्ला समन्वय समितिका निवर्तमान प्रमुख, गाउँपालिकाका निवर्तमान अध्यक्ष, तत्कालीन गाविसका पूर्वअध्यक्षलगायत १२ उम्मेदवारलाई पछि पार्दै लोकतान्त्रिक समाजवादी पार्टी (लोसपा)का विद्यानन्द अध्यक्षमा निर्वाचित भएका हुन्।
उनले दुई हजार ८९५ मत ल्याए। उनका निकटतम् प्रतिद्वन्द्वी जनता समाजवादी पार्टी (जसपा)का सत्यनारायण यादवले एक हजार ७६६ मत ल्याए।
गाउँपालिकाको उपाध्यक्षमा भने नेकपा (माओवादी केन्द्र)का राजुदेवी यादव दुई हजार ४७२ मतसहित निर्वाचित भएकी छन्। उनका निकटतम् प्रतिद्वन्द्वी नेपाली कांग्रेसका प्रमिलादेवी साहले एक हजार ५९५ मत ल्याइन्।
सात वडा रहेको गाउँपालिकामा एमाले र माओवादीले दुई/दुई, जसपा, नेकपा (एकीकृत समाजवादी) र जनमत पार्टीले एक/एक वडाध्यक्षमा जित हासिल गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
