काठमाडौं– काठमाडौं महानगरपालिकासहित जिल्लाका ११ स्थानीय तहमध्ये १० नगरपालिकाको नतिजा सार्वजनिक भएको छ। जसमध्ये कांग्रेसले सबैभन्दा धेरै सात वटामा जित हासिल गर्दा एमाले दुई वटामा खुम्चिएको छ।
राप्रपाले पनि एउटा नगरपालिकाको मेयर जितेर संघीय राजधानी भएको जिल्लामा उपस्थिति देखाएको छ। तर, सत्ता गठबन्धनमा रहेका माओवादी केन्द्र र एकीकृत माओवादीले तालमेलका बावजुद कुनै पनि नगरपालिकामा जित्न सकेनन्।
काठमाडौं महानगरमा अहिले पनि मतगणना जारी छ। महानगरमा स्वतन्त्र उम्मेदबार बालेन साहले अग्रता कायम गरेका छन्। नेकपा एमालेका केशव स्थापित तथा नेपाली कांग्रेसकी सृजना सिंह उनलाई पछ्याइरहेका छन्।
२०७४ सालको निर्वाचनमा एमालेले महानगरसहित सात र कांग्रेसले चार नगरपालिकामा जित हासिल गरेका थिए। यसपटक एमालेले चार नगरपालिका गुमाउँदा कांग्रेसले तीन वटा थपेको छ भने राप्रपाले खाता खोल्न सफल भएको छ।
अघिल्लो निर्वाचनमा एमालेले कागेश्वरी मनहरा, कीर्तिपुर, टोखा, तारकेश्वर, बूढानीलकण्ठ र शंखरापुर जितेको थियो। यसपटक उसले कागेश्वरी मनोहरा, कीर्तिपुर, शंखरापुर र तारकेश्वरको मेयर गुमाएको छ। यीमध्ये कागेश्वरी मनोहरा, चन्द्रागिरि र नगार्जुनको उपमेयर एमालेले नै जितेको छ।
त्यस्तै, कांग्रेसले चन्द्रागिरि, गोकर्णेश्वर, दक्षिणकाली र नागार्जुन जितेको थियो। यसपटक उसले तारकेश्वर, कागेश्वरी मनोहरा र कीर्तिपुर एमालेसँग खोसेको छ। एमालेले जितेको शंखरापुर भने राप्रपाले खोसेको छ। गोकर्णेश्वरको उपमेयर भने एमालेले कांग्रेसबाट खोसेको छ। राप्रपाले मेयर जितेको शंखरापुरको उपमेयर कांग्रेसले जितेको छ।
यी हुन् विजयी उम्मेदवार
१. दक्षिणकाली नगरपालिका
प्रमुख मोहन बस्नेत/कांग्रेस
उपप्रमुख बसन्ती तमाङ/कांग्रेस
२. किर्तिपुर नगरपालिका
प्रमुख राजकुमार नकर्मी/कांग्रेस
उपप्रमुख शुभलक्ष्मी शाक्य/कांग्रेस
३. तारकेश्वर नगरपालिका
प्रमुख कृष्णहरि महर्जन/कांग्रेस
उपप्रमुख सृजना बुर्लाकोटी/कांग्रेस
४.कागेश्वरी नगरपालिका
प्रमुख उपेन्द्र कार्की/कांग्रेस
उपप्रमुख शान्ता थापा/एमाले
५. गोकर्णेश्वर नगरपालिका
प्रमुख दीपक रिसाल/कांग्रेस
उपप्रमुख सान्नानी लामा/एमाले
६.चन्द्रागिरि नगरपालिका
प्रमुख घनश्याम गिरी/कांग्रेस
उपप्रमुख बसन्ती श्रेष्ठ/एमाले
७.नागार्जुन नगरपालिका
प्रमुख मोहनबहादुर बस्नेत/कांग्रेस
उपप्रमुख शुसिला अधिकारी/एमाले
८. बूढानीलकण्ठ नगरपालिका
प्रमुख मिठाराम अधिकारी/एमाले
उपप्रमुख अनिता लामा /एमाले
९. टोखा नगरपालिका
प्रमुख प्रकाश अधिकारी /एमाले
उपप्रमुख मुरारी तामाङ/कांग्रेस
१०. शंखरापुर नगरपालिका
प्रमुख रमेश नापित/राप्रपा
उपप्रमुख सुमिता श्रेष्ठ/कांग्रेस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775018854.png)
-1764146706.png)
