काठमाडौं–अघिल्लो स्थानीय तहको निर्वाचनमा एक नगरपालिकासहित तीन पालिका जितेको एमाले यो पटक ओखलढुंगाका एक स्थानीय तहमा खुम्चिएको छ।
अघिल्लो चुनावमा एमालले जिल्लाको एकमात्रै नगरपालिका सिद्धिचरणसहित लिखु र मोलुङ गाउँपालिकामा जित हात पारेको थियो। तर यो पटक भने एमालेले सिद्धिचरण नगरपालिका र लिखु गाउँपालिका गुमाएको छ।
पहिला जितेका एक गाउँपालिका मात्रै एमालेले जितेको छ। यसअघि एमालेले जितेको सिद्धिचरण गाउँपालिका र लिखु गाउँपालिका यो पटक कांग्रेसले खोसेको छ। एमालेले जितेको सिद्धिचरण नगरपालिका यो पटक गुमायो। कांग्रेसका तेजन खनाल ६ हजार ८३४ मतसहित विजयी भए । एमालेकी इच्छाकुमारी गुरुङले ५ हजार ६५० मत ल्याइन्।
अघिल्लो निर्वाचनमा चम्पादेवी, खिजिदेवी, मानेभन्ज्याङ र सुनकोशी गरी चार गाउँपालिकामा जित हात पारेको कांग्रेसले यो पटक पनि चार पालिका नै जितेको छ।
सिद्धिचरण नगरपालिका, चम्पादेवी, सुनकोशी, लिखु कांग्रेस विजयी भएको छ। बाँकी रहेका तीन गाउँपालिकामा एक स्वतन्त्र, एकमा माओवादी र एक पालिकामा जनता समाजवादी (जसपा) विजयी भएका छन्।
अघिल्लो पटक कांग्रेसले जितेको खिजिदेम्बा गाउँपालिकाको अध्यक्षमा यो पटक भने जनता समाजवादी (जसपा) विजयी भएको। जसपाका गम्बु शेर्पा २ हजार ८८२ मतसहति विजयी हुँदा कांग्रेसका भुपेन्द्र बहादुर बस्नेतले २ हजार ७५२ मत ल्याए।
खिजिदेम्वा गाउँपालिका अध्यक्षमा कांग्रेसका वेदबहादुर रोका २ हजार ९६५ मत ल्याएर विजयी भएका थिए। उपाध्यक्षमा कांग्रेस नै विजयी भएको छ।
चम्पादेवी गाउँपालिका कांग्रेस नवराज केसी ३ हजार ३४१ का साथ विजयी भए । यो भन्दा अघि पनि चम्पादेवीमा कांग्रेस नै विजयी भएको थियो।
चिशंखुगढी गाउँपालिका माओवादीका निशान्त शर्मा विजयी भए। यसअघि पनि यो पालिकामा माओवादी नै विजयी भएको थियो। अघिल्लो पटक कांग्रेसले जितेको मानेभञ्जाङ गाउँपालिकामा यो पटक भने स्वतन्त्र उम्मेदवार ज्ञानेन्द्र रुम्दालीले जित हात पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
