काठमाडौं- सभामुख अग्निप्रसाद सापकोटाले अर्थमन्त्री जनार्दन शर्मालाई सदनमा उपस्थित हुन रुलिङ गरेका छन्।
बिहीबार 'आर्थिक वर्ष २०७९/८० को लागि विनियोजन विधेयकका सिद्धान्त र प्राथमिकता सम्बन्धमा (कर प्रस्ताव बाहेक) सभामा छलफल' हुँदै गर्दा मन्त्री शर्मा अनुपस्थित थिए।
बैठकमा एमालेका प्रमुख सचेतक विशाल भट्टराईले प्रश्न उठाएपछि सभामुख सापकोटाले उपस्थितिका लागि रुलिङ गरेका हुन्।
एमाले सचेतक भट्टराईले अर्थमन्त्रीको अनुपस्थितिप्रति प्रश्न उठाउँदै भनेका थिए- 'अर्थमन्त्री नै नभइकन के आधारमा यो विषयमा छलफल गर्ने? के आधारमा सुझाव दिने र के आधारमा उहाँले जवाफ दिनुहुन्छ? यो अलि मिलेन कि!'
लगत्तै सभामुखले अर्थमन्त्रीलाई उपस्थितिका लागि निर्देश गरेका हुन्। 'माननीयज्यूले उठाउनुभएको विषयमा मेरो ध्यानाकर्षण भएको छ। प्रतिनिधि सभा नियमावली २०७५ को नियम ६ को उपनियम ५ बमोजिम सम्बन्धित मन्त्रालयका माननीय मन्त्रीज्यूको उपस्थितिको लागि निर्देश गर्दछु', उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775122347.png)
