काठमाडौं- प्रतिनिधि सभामा 'नेपाल विनियोजन विधेयकका सिद्धान्त र प्राथमिकता'माथि छलफल भइरहँदा अर्थमन्त्री जनार्दन शर्मा अनुपस्थित रहेपछि नेकपा एमाले र नेपाली कांग्रेसका सांसदले ध्यानाकर्षण गराएका छन्।
एमालेका प्रमुख सचेतक विशाल भट्टराईले अर्थमन्त्री शर्मा अनुपस्थित भएको भन्दै विरोध जनाए। उनले भने, 'विनियोजन विधेयकका सिद्धान्त र प्राथमिकतामाथि छलफल भइरहँदा अर्थमन्त्री छलफलमा उपस्थित भएको देखिँदैन। कुनै मन्त्रीले टिपोट गरेको पनि देखिँदैन। अर्थमन्त्री नभइ के आधारमा सुझाव दिने?'
नेपाली कांग्रेसका नेता तथा सांसद मिनेन्द्र रिजालले समेत यस्तो व्यवहार आलोचनायोग्य रहेको बताएका छन्। उनले अर्थमन्त्री मात्र नभइ अर्थमन्त्रालयका माथिल्ला तहका अधिकारी समेत नरहेको उल्लेख गर्दै भने, 'बजेटबारे छलफल हुँदा अर्थमन्त्री आफैं उपस्थित हुँदैन। अर्थमन्त्रालय र अर्थमन्त्रीको यो व्यवहार निश्चित रुपमा आलोच्य छ।'
विरोधपछि सभामुख अग्निप्रसाद सापकोटाले मन्त्री शर्माको ध्यानाकर्षण गराएका छन्। उपस्थित हुन निर्देशन दिँदै उनी उपस्थित नहुन्जेल अन्य मन्त्रीहरुलाई टिपोट गर्न निर्देशन दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
