बागी उम्मेदवारी फिर्ता गराउन बालुवाटारमा सत्ता गठबन्धनको बैठक

स्थानीय निर्वाचन

नेपाल लाइभ शुक्रबार, वैशाख १६, २०७९ १०:०४

फाइल तस्बिर

काठमाडौं- पाँच दलिय सत्ता गठबन्धनको बैठक बालुवाटारमा बसिरहेको छ।

शुक्रबार बिहान साढे ९ बजेपछि प्रधानमन्त्रीको सरकारी निवासमा सुरु भएको बैठकमा मुख्य रुपमा बागी उम्मेदवारीका विषयमा छलफल भइरहेको हो। वैशाख ३० गतेको स्थानीय तहको निर्वाचनमा देशका कतिपय स्थानमा गठबन्धन गरेर गएका पाँच दलले बागी उम्मेदवारी फिर्ता गराउने विषयमा छलफल गरिरहेका हुन्।

राष्ट्रिय जनमोर्चाका सचिव हिमलाल पुरीले बालुवाटारमा बैठक जारी रहेको जानकारी दिए।

‘बागी उम्मेदवारी फिर्ता लगायतको बारेमा अहिले हामी छलफल गरिरहेका छौं,’उनले नेपाल लाइभसँग भने।

उम्मेदवारी फिर्ताको समय आज साँझ पाँच बजे सकिने निर्वाचन आयोगको कार्यतालिका रहेको छ। साँझसम्म गठबन्धनका उम्मेदवारविरुद्ध बागी उम्मेदवारी दिएकाहरुलाई फिर्ता गराउनका लागि छलफल भइरहेको हो।

स्थानीय तह निर्वाचनमा गठबन्धन दलहरूबीच तालमेल भए पनि ठाउँठाउँमा बागी उम्मेदवारी परेको छ। वैशाख ११ र १२ गते देशैभर मनोनयन दर्ता भएको थियो। सो क्रममा भरतपुर महानगरपालिका, पोखरा महानगरपालिका सहित विभिन्न उपमहानगर, नगरपालिका र गाउँपालिकामा गठबन्धनका आधिकारीक उम्मेदवारविरुद्ध बागी उम्मेदवारी परेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

काठमाडौँको मखनटोलमा आगलागी, एक जनाको मृत्यु

पत्रकार फणिदेव महतको निधन

मखन टोलमा भीषण आगलागी, नियन्त्रणको पर्यास जारी