गृहमन्त्रीको 'भरतपुर भ्रमण' बारे निर्वाचन आयोग भन्छ- निर्णय गरिने छ

स्थानीय निर्वाचन

नेपाल लाइभ बिहीबार, वैशाख १५, २०७९ १६:३८

काठमाडौं– भरतपुर महानगरपालिकाको प्रमुखमा गठबन्धनका उम्मेदवारमाथि बागी उम्मेदवारी दिएका एक नेतालाई 'फकाउन' गृहमन्त्री बालकृष्ण खाण भरतपुर पुगेको घटनामाथि निर्वाचन आयोगले थप निर्णय गर्ने बताएको छ।

'माननीय मन्त्रीज्यू नै (भरतपुर) गएको भन्ने जुन कुरा छ। यहाँहरुले विभिन्न सञ्चारमाध्यमबाट व्यक्त गर्नुभएको छ। लेख्नुभएको छ। पक्कै पनि आयोगको ध्यानाकर्षण हुनेछ र भएको होला', आयोगका सहप्रवक्ता सूर्यप्रसाद अर्यालले भने।

बिहीबार आयोजित नियमित पत्रकार सम्मेदनमा उनले सार्वजनिक पद र स्रोत प्रयोग गर्ने सार्वजनिक उत्तरदायित्व हुने अवगत गराए। 'हाम्रो आचारसंहिताले त्यो खालको अपेक्षा गर्दैन। यसबारे आयोगले थप निर्णय गर्नेछ', उनले भने।

भरतपुर महानगरपालिकामा गठबन्धनको तर्फबाट माओवादी केन्द्रकी रेणु दाहालले मेयरमा उम्मेदवारी दिएकी छन्। तर त्यसबाट असन्तुष्ट कांग्रेस नेता जगन्नाथ पौडेलले पनि बागी उम्मेदवारी दिएका छन्। उनलाई फिर्ता बोलाउने प्रयत्नस्वरुप गृहमन्त्री खाण भरतपुर गएको समाचार सार्वजनिक भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मखन टोलमा भीषण आगलागी, नियन्त्रणको पर्यास जारी

पाकिस्तान सुपर लिग पनि मे १७ देखि नै पुनः शुरू हुँदै

गाजाको एक अस्पतालमा इजरायली आक्रमणमा परी २८ जनाको ज्यान गयो, दर्जनौं घाइते