काठमाडौं-स्थानीय तहको आगामी निर्वाचनमा उम्मेदवारी दिएका प्रमुख पार्टीहरुले साह्रै न्यून संख्यामा मात्रै महिला उम्मेदवार उभ्याएका छन्। गठबन्धनका कारण पालिकाको प्रमुख/अध्यक्ष र उपप्रमुख/उपाध्यक्षमा पुरुषै पुरुष दिएका भनेर आलोचना भइरहेका बेलामा दलहरुले दिएको समग्र उम्मेदवारमा पनि पुरुषकै संख्या बढी छ।
आयोगबाट प्राप्त पछिल्लो सूची अनुसार नेकपा एमालेले प्रमुख/अध्यक्ष, उपप्रमुख/उपाध्यक्ष, वडा अध्यक्ष, महिला सदस्य, दलित महिला सदस्य र सदस्य गरी कुल ३३ हजार ३ सय ६८ उम्मेदवारी दिएको छ। जसमा पालिका प्रमुखमा २६३ पुरुष र २७ महिला छन्। त्यस्तै, पालिका अध्यक्षमा ४१८ पुरुष र २८ जना महिला छन्। यसरी पालिकाको नेतृत्व गर्न एमालेले ६८१ पुरुष र ५५ महिलालाई उम्मेदवारको रुपमा अघि सारेको छ।
त्यस्तै नेपाली कांग्रेसबाट विभिन्न पदमा गरी कुल ३१ हजार ३ सय २३ जनाले उम्मेदवारी दिएका छन्। जसमध्ये पालिका प्रमुखमा २५३ पुरुष र १२ जना महिला छन्। त्यस्तै पालिका अध्यक्षमा ३६३ पुरुष र १९ जना महिला छन्। यसरी पालिकाको नेतृत्व गर्न कांग्रेसले ६१६ जना पुरुष र ३१ जना महिलालाई उम्मेदवारको रुपमा अघि सारेको छ।
नेकपा माओवादी केन्द्रबाट विभिन्न पदमा गरी कुल २२ हजार १७३ जनाले उम्मेदवारी दिएका छन्। जसमध्ये पालिका प्रमुखमा १५६ पुरुष र १८ जना महिला छन्। त्यस्तै पालिका अध्यक्षमा २६१ पुरुष र २९ जना महिला छन्। यसरी पालिकाको नेतृत्व गर्न माओवादी केन्द्रले ४१७ पुरुष र ४७ जना महिलालाई उम्मेदवारको रुपमा अघि सारेको छ।
नेकपा एकीकृत समाजवादीबाट विभिन्न पदमा गरी कुल ११ हजार २७४ जनाले उम्मेदवारी दिएका छन्। जसमध्ये पालिका प्रमुखमा १२७ पुरुष र २३ जना महिला छन्। पालिका अध्यक्षमा १७५ पुरुष र १२ जना महिला छन्। यसरी पालिकाको नेतृत्व गर्न एकीकृत समाजवादीले ३०२ जना पुरुष र ३५ जना महिलालाई उम्मेदवारको रुपमा अघि सारेको छ।
जनता समाजवादी पार्टीबाट विभिन्न पदमा गरी कुल ९ हजार ४ सय २ जनाले उम्मेदवारी दिएका छन्। जसमध्ये पालिका प्रमुखमा १४५ जना पुरुष र १४ जना महिला छन्। त्यस्तै पालिका अध्यक्षमा १७९ पुरुष र १० जना महिला छन्। यसरी पालिकाको नेतृत्व गर्न जसपाले ३२४ जना पुरुष र २४ जना महिलालाई उम्मेदवारको रुपमा अघि सारेको छ।
लोकतान्त्रिक समाजवादी पार्टीबाट विभिन्न पदमा गरी कुल ४ हजार ७१७ जनाले उम्मेदवारी दिएका छन्। जसमध्ये पालिका प्रमुखमा ८८ जना पुरुष र ५ जना महिला छन्। त्यस्तै पालिका अध्यक्षमा ७५ जना पुरुष र ३ जना महिला छन्। यसरी पालिकाको नेतृत्व गर्न लोसपाले १६३ जना पुरुष र ८ जना महिलालाई उम्मेदवारको रुपमा अघि सारेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
