काठमाडौं- गठबन्धनका नाममा नेपालमा कम्युनिष्ट पार्टी सिध्याउने खेल भइरहेको भन्दै एकीकृत समाजवादीका मकवानपुर अध्यक्ष श्रीधर पोखरेलसहित तीन सचिवालय सदस्यले पार्टी छाडेका छन्। नेकपा एमालेबाट ८ महिनाअघि भएको विद्रोह केही अवसरवादीको पद पाउने आकांक्षा मात्रै रहेकोसमेत उनीहरुको ठहर छ।
उनले राजीनमा दिएपछि पत्रकार सम्मेलनमा भने, 'गठबन्धनका नाममा नेपालमा कम्युनिष्ट पार्टी सिध्याउन खेल भइरहेको छ। ८ महिनाअघिको विद्रोह केही व्यक्तिको पद प्राप्तिको चरम इच्छा मात्रे रहेछ भन्ने अहिले थाहा भयो।'
उनले मकवानपुरकै नेता स्वास्थ्यमन्त्री विरोध खतिवडातर्फ लक्ष्य गर्दै सरकारमा पठाएकाहरुमा नै नैतिक आचरणमा ह्रास भइरहेको बताए। कार्यकर्ताको समस्या नजरअन्दाज गरिएको उनले उल्लेख गरेको छन्।
उनले एकीकृत समाजवादीका नेताहरुलाई जिताउँदा भोलि भ्रष्टाचार हुने आरोप लगाउँदै पार्टी छाडेको बताएका छन्। पोखरेल हेटौंडा उपमहानगरपालिकाको मेयरको आकांक्षी थिए। एकीकृत समाजवादीको भागमा परेकाे हेटौंडाको मेयरको उम्मेदवार मिनाकुमारी लामालाई बनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
