भरतपुर- नेकपा एमालेका तर्फबाट भरतपुर महानगरपालिकाको मेयरका उम्मेदवार विजय सुवेदीले घरदैलो अभियान सुरु गरेका छन्। सोमबार मेयरमा मनोनयन दर्ता गरेसँगै सुवेदीले आजदेखि घरदैलो अभियान सुरु गरेका हुन्।
सुवेदी भरतपुर महानगरपालिका–२८ को गोलाघाट क्षेत्रबाट अभियान सुरु गरेका हुन्। बागमती प्रदेश सभाका सदस्य रहेका सुवेदीलाई एमालेले भरतपुरको मेयरमा उम्मेदवारमा सिफारिस गरेसँगै उनले प्रदेश सभा सदस्यबाट राजीनामा दिएर प्रचारप्रसारमा जुटेका हुन्।
एमालेले भरतपुरमा राप्रपासँग चुनावी तालमेल गरेको छ। एमालेले राप्रपालाई उपमेयरसहित दुई वटा वडामा सहयोग गर्ने भएको छ। बाँकी २७ वटा वडामा एमालेले आफ्ना उम्मेदवार उठाएको छ। महानगरमा एक लाख ८५ हजार ७५२ मतदाता छन्। सत्ता गठबन्धनबाट माओवादी केन्द्रकी रेनु दाहाल उम्मेदवार रहेकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
