सुरक्षा/अपराध

कोटेश्वरको ४ राउण्ड गोली घटना : युवती पक्राउ, गोली सेनाको भएको आशंका

नेपाल लाइभ सोमबार, वैशाख १२, २०७९ ११:५५

काठमाडौं– काठमाडौं महानगरपालिका–३२ कोटेश्वरस्थित नरेफाँटबाट चार राउण्ड गोली र नक्कली सुन बरामद भएको घटनामा संलग्न भएको आरोप लागेकी युवती पक्राउ परेकी छन्। जिल्ला प्रहरी परिसर काठमाडौंका अनुसार उक्त घटनामा संलग्न भएको आरोपमा प्रमिला तामाङ पक्राउ परेकी हुन्।अहिलेसम्म तामाङलाई प्रहरीले सार्वजनिक गरेको छैन।

गत बुधबार दिउँसो सुनमाया श्रेष्ठको घरमा डेरा गरी बस्ने प्रमिला तामाङको डेरा कोठा खाली गर्न काठमाडौं महानगरपालिकाका प्रतिनिधिसमेतको प्रहरी टोली खटिइ कोठा खोलेर हेर्दा ४ राउण्ड गोली र एक किलो नक्कली सुन बरामद भएको थियो।

तामाङको कोठाबाट पेस्तोलमा प्रयोग हुने ९ एमएम लेखिएको गोली ४ राउण्ड, १ किलो नक्कली सुन, नेपाली सेनाको बर्दी, राहदानी, मोबाइल, विभिन्न व्यक्तिका नामको चेक, नागरिकता, जन्मकुण्डलीलगायत सामग्री बरामद गरिएको थियो।

प्रहरी स्रोतका अनुसार पक्राउ परेकी युवतीले उक्त गोली नेपाली सेनामा कार्यरत रहेका आफ्ना प्रेमीको भएको बताएकी छिन्।

यो पनि पढ्नुहोस्

महिलाको डेरा खाली गर्दा फेला परे गोली र नक्कली सुनसहितका सामग्री

सस्तोमा एक किलो सुन भनेर किनेको उक्त सुन नक्कली भएको पाइएकाले उल्टै आफू ठगिएको ती युवतीको दाबी छ। प्रहरीले भने नक्कली सुनलाई सक्कली भनेर ठग्ने र मान्छेलाई त्रसित बनाउने उद्देश्यले गोलीसमेत राखेको हुनसक्ने आशंका गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने