मार्तडी– बाजुराका ४ नगरपालिकामा नेपाली कांग्रेसले उम्मेदवार छनोट गरेको छ। बडिमालिका नगरपालिका, बुढीनन्दा नगरपालिका, बुढीगंगा नगरपालिका र त्रिवेणी नगरपालिकाका प्रमुख र उपप्रमुखको उम्मेदवारबारे निर्णय गरिएको हो।
बडिमालिकाको मेयरमा धनराज पण्डित र उपमेयरमा राधिका सिंहलाई उम्मेदवार बनाउने निर्णय भएको छ। बुढीगंगा नगरपालिकाको मेयरमा रंग खाती उम्मेदवार छन् भने उपमेयरमा तारा खाती दोहोरिएकी छन्।
बुढीनन्दा नगरपालिकामा मेयर पदम कुमार गिरी दोहोरिएका छन् भने उपमेयरमा गएको निर्वाचनमा पराजित रिता सिंह फेरि लड्ने भएकी छन्।
त्रिवेणी नगरपालिकाको मेयरमा कर्णबहादुर थापा र उपमेयरमा कमला न्यौपानेलाई उम्मेदवार चयन गरिएको छ।
४ नगरपालिकामा उम्मेदवार छनोट गर्दा सत्ता गठबन्धनका दुई दल माओवादी केन्द्र र एकीकृत समाजवादी भने समेटिएका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
