काठमाडौं– नेपाली कांग्रेसले सार्वजनिक गरेको घोषणापत्रमा हत्यामा दोषी ठहर भएका बालकृष्ण ढुंगेललाई एमालेले केन्द्रीय बनाएकोमा घोषणापत्रै आपत्ति जनाएको छ।
उनलाई केन्द्रीय सदस्यसहितको जिम्मेवारी दिनु विधिको शासन, सुशासन र मानव अधिकारको दृष्टिले योभन्दा ठूलो उपहास अरु हुन नसक्ने टिप्पणी गरेको छ।
पार्टी कार्यालय सानेपामा घोषणापत्र सार्वजनिक गर्दै कांग्रेसले संविधान, विस्तृत शान्ति सम्झौता र द्वन्द्व पीडितको भावनाअनुरुप एक दशक लामो द्वन्द्वकालमा जघन्य मानव अधिकार हनन् गर्ने पीडकलाई कानुनको दायरामा ल्याएर संक्रमणकालीन न्यायको सिद्धान्त अनुसार पीडितलाई न्याय दिनु सरकारको कर्तव्य भएकोमा हत्यारालाई जोगाउने काम एमालेले गरेको आरोप लगाएको छ।
सर्वोच्च अदालतको फैसलाअनुरुप हत्यारा प्रमाणित भएर सर्वस्वसहित जन्मकैदको सजाय काटिरहेका ढुंगेललाई आममाफी दिएर सरकारले विधिको शासन, संक्रमणकालीन न्याय र सर्वोच्च अदालतलाई समेत चुनौती दिएको घोषणापत्रमा उल्लेख छ।
‘तिनै ढुंगेललाई अहिले नेकपा (एमाले) ले पोलिटब्युरो सदस्य बनाएको छ’, घोषणापत्रमा भनिएको छ ‘विधिको शासन, सुशासन र मानव अधिकारको दृष्टिले योभन्दा ठूलो उपहास अरु के हुनसक्छ?’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771907752.png)
-1764146706.png)
