काठमाडौं– नेकपा एमालेले बुटवल उपमहानगरसहित रुपन्देहीका स्थानीय तहका उम्मेदवारको टुंगो लगाएको छ।
एमालेको केन्द्रीय सचिवालयको बैठकले शनिबार नै बुटवल उपमहानगरपालिकाको मेयर र उपमेयरको उम्मेदवार टुंगो लगाएको थियो। बाँकी रहेका स्थानीय तहको पनि उम्मेदवारीको टुंगो लागेको छ।
बुटवल उपमहानगरपालिका मेयरमा बाबुराम भट्टराई र उपमेयरमा सावित्रा अर्याल उम्मेदवार रहने भएका छन्। त्यस्तै, देवदह नगरपालिकाको मेयरमा ध्रुवप्रसाद खरेल र उपमेयरमा बिद्यालक्ष्मी गुरुङ्ग, तिलोत्तमा नगरपालिकाको मेयरमा मोहन चापागाइँ र उपमेयरमा जागेश्वरीदेवी चौधरी, सैनामैना नगरपालिकाको मेयरमा चित्रवहादुर कार्की र उपमेयरमा विना राना उम्मेदवार रहने भएका छन्।
यस्तै, ओमसतिया गाउँपालिकाको अध्यक्षमा मन्जितकुमार यादव र उपाध्यक्षमा निर्मलाकुमारी निषाद, रोहिणी गाउँपालिकाको अध्यक्षमा सनोजकुमार यादव र उपाध्यक्षमा बसन्ती पाण्डे, सिद्धार्थनगर नगरपालिकाको मेयरमा डा. रामप्रसाद बश्याल र उपमेयरमा उमा अधिकारी, मायादेवी गाउँपालिकाको अध्यक्षमा लाला लोध र उपाध्यक्षमा सन्नु चाई उम्मेदवार बन्ने भएका छन्।
मर्चवारीमाई गाउँपालिकाको अध्यक्षमा कमलेस यादव र उपाध्यक्षमा बिन्द्रावती गौड, सम्मरीमाई गाउँपालिकाको अध्यक्षमा मुस्लिम खान र उपाध्यक्षमा पिंकला लोध, कोटहीमाई गाउँपालिकाको अध्यक्षमा श्यामसुन्दर यादव र उपाध्यक्षमा मायाँ साहनी, लुम्बिनी साँस्कृतिक नगरपालिकाको मेयरमा रमावती यादव र उपमेयरमा कल्पना हरिजन, गैडहवा गाउँपालिकाको अध्यक्षमा पशुपति यादव र उपाध्यक्षमा मन्जु रिजाल उम्मेदवार रहने भएका छन्।
यस्तै, कञ्चन गाउँपालिकाको अध्यक्षमा गोकर्णवहादुर क्षेत्री र उपाध्यक्षमा गोमा तरामु, शुद्धोधन गाउँपालिकाको अध्यक्षमा किशुनचन्द्र चौधरी र उपाध्यक्षमा शान्तादेवी ज्ञवाली, सियारी गाउँपालिकाको अध्यक्षमा अयोध्या थारु र उपाध्यक्षमा अमृता गुरुङ्गलाई उम्मेदवार बनाउने निर्णय गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1782224905-1782225890.jpeg)
