काठमाडौं– सत्ता गठबन्धनका दलहरुबीच संखुवासभाका ७ वटा स्थानीय तहमा मात्रै तालमेल गरेर जाने सहमति भएको छ।
१० वटा स्थानीय तहमध्ये बाँकी ३ स्थानीय तहमा मित्रवत् प्रतिस्पर्धा गरेर जाने निर्णय गरिएको नेपाली कांग्रेस संखुवासभाका सभापति दिपक खड्काले जानकारी दिए।
तालमेल हुने ७ स्थानीय तहमध्ये नेपाली कांग्रेसले ५ तथा नेकपा माओवादी केन्द्र र नेकपा एकीकृत समाजवादीले १–१ स्थानीय तहको प्रमुख/अध्यक्ष पदमा उम्मेदवारी दिने सहमति भएको छ।
नेपाली कांग्रेसले सभापोखरी गाउँपालिका, खाँदबारी नगरपालिका, पाँचखपन नगरपालिका, चैनपुर नगरपालिका र धर्मदेवी नगरपालिकामा प्रमुख/अध्यक्ष पदमा उम्मेदवार उठाउने सहमति भएको छ।
नेकपा माओवादी केन्द्रले मादी नगरपालिका र नेकपा एकीकृत समाजवादीले भोटखोला गाउँपालिकामा प्रमुख तथा अध्यक्ष पदमा उम्मेदवार उठाउने सहमति भएको छ।
कांग्रेसले प्रमुख तथा अध्यक्षमा उम्मेदवार उठाउने पालिकामध्ये चैनपुर नगरपालिका र खाँदबारी नगरपालिकामा नेकपा माओवादी केन्द्रले उपप्रमुखको उम्मेदवार उठाउने सहमति भएको छ। यस्तै, पाँचखपन नगरपालिकामा एकीकृत समाजवादीले उपप्रमुखको उम्मेदवार उठाउने सहमति भएको छ।
बाँकी रहेका मकालु गाउँपालिका, चिचिला गाउँपालिका र सिलिचोङ गाउँपालिकामा 'मित्रवत् प्रतिस्पर्धा' गरेर जाने सहमति जुटेको नेताहरुले जनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775464606-1775465458.jpg)
-1764146706.png)
