काठमाडौं– प्रमुख निर्वाचन आयुक्त दिनेशकुमार थपलियाले राजनीतिक दलहरुलाई महिलाको उम्मेदवारी कम हुनेभन्दा वढाउनेतिर लाग्न आग्रह गरेका छन्।
उम्मेदवारी दर्ताको अघिल्लो दिन आयोगले आयोजना गरेको पत्रकार सम्मेलनमा बोल्दै प्रमुख निर्वाचन आयुक्त थपलियाले स्थानीय तह निर्वाचन ऐनमा एकल उम्मेदवार दर्ता गर्ने राजनीति दलले महिला नै उठाउनुपर्ने व्यवस्था नभएपछि महिलालाई प्राथमिकता दिन आग्रह गरेको बताए।
खासगरी सत्ता गठबन्धनले उम्मेदवारी दर्ता गराउँदा महिलाहरुको प्रतिनिधित्व कम हुने चिन्ता भइरहेको समयमा आयोगले यस्तो टिप्पणी गरेको हो।
‘निर्वाचन आयोगले पनि महिला प्रतिनिधित्वको चिन्ता गरेको छ। आयोगले आजको विज्ञप्तिमा पनि यो कुरा राखेको छ,’ प्रमुख आयुक्त थपलियाले भने, ‘आयोगले विगतमा १७ बुँदे निर्देशन समेत दिएको थियो। कुनै राजनीतिक दलले ५० प्रतिशत महिला उम्मेदवार उठाउनुपर्ने कानुनी व्यवस्था ख्याल गर्दै उम्मेदवारी दर्ता गराउनुहुनेछ।’
तर सोही ऐनले एउटा पदमा मात्र दिदाँ बाध्य पार्न नसक्ने व्यवस्था भएकोतर्फ संकेत गर्दै उनले दलहरुलाई फेरि पनि आग्रह गर्ने उनले बताए।
संविधानको धारा ३८को कार्यान्वयन गर्दा यो निर्वाचनलाई महिलाको दृष्टिकोणले उपलव्धिमूलक बनाइदिन आयोगले आग्रह गर्ने उनले बताए। राजनीतिक दलहरुले यस्तो विषयमा ध्यान दिनेबारे आयोग विश्वस्त रहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781775873-1781776745.jpg)
-1764146706.png)
