धनगढी- स्थानीय तहको निर्वाचनमा गठबन्धन गर्ने निर्णयप्रति असन्तुष्टि जनाउँदै कैलालीमा कांग्रेस वडा सभापतिसहित ९१ जना क्रियाशील सदस्यले सामूहिक राजीनामा दिएका छन्।
धनगढी उपमहानगरपालिका १८ का वडा सभापति भक्तबहादुर थापासहितका क्रियाशील सदस्यहरुले नगरसभापति यज्ञराज उपाध्यायसमक्ष सामूहिक राजीनामा दिएका हुन्।
सामूहिक राजीनामा दिनेको सूचीमा कांग्रेसका पूर्वजिल्ला सदस्य लक्ष्मीप्रसाद देवकोटा, पूर्वक्षेत्रीय उपसभापति कुम्भराज गिरी, पूर्ववडाध्यक्ष सालीभान खड्कासमेत रहेका छन्।
वडा १८ मा सत्तारुढ गठबन्धनका तर्फबाट नेकपा माओवादी केन्द्रले उमेदवार उठाउने भएको छ। २०७४ सालमा भएको स्थानीय निर्वाचनमा माओवादी केन्द्रले जितेका कारण अहिले पनि माओवादी केन्द्रले नै पाउनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
