काठमाडौं- नेकपा एमालेले आगामी स्थानीय तहको निर्वाचनका लागि घोषणापत्र सार्वजनिक गरेको छ। शुक्रबार च्यासलमा आयोजित कार्यक्रममा पार्टीको तर्फबाट घोषणापत्र सार्वजनिक गरिएको हो।
२०७४ सालको घोषणापत्रको 'कभर' र २०७९ सालको घोषणापत्रको 'कभर'मा उल्लेखनीय परिवर्तन देखिन्छ। २०७४ को घोषणापत्रमा भविष्यमुखी योजना देखिन्छन् भने यसपटक आफूले सरकारको नेतृत्व गर्दा गरेका केही कामहरु झल्किने योजनाहरुको फोटो राखिएको छ।
२०७४ सालको घोषणापत्रको कभरमा किसान र विद्यार्थीहरु देखिन्थ्यो। रेल, हवाइजहाज, पुल, जलविद्युत आयोजना, हावाबाट बिजुली, केबलकार, पर्यटन झल्किने स्केच राखिएका थिए।
पाँच वर्षपछि भने सार्वजनिक गरिएको घोषणापत्रमा भने धरहरा, जनकपुर-जयनगर रेल, सभाहल, विमानस्थल जस्ता स्केचहरु राखिएका छन्।
२०७४ सालको घोषणापत्रको कभरमा लेखिएको नारा थियो- समृद्धि, समानता र सबल राष्ट्रको आधार गाउँदेखि केन्द्रसम्मै एमालेको सरकार।
२०७९ को घोषणापत्रको कभरमा लेखिएको छ- सुशासन, समृद्धि र समाजवादको आधार पालिका-पालिकामा एमालेको सरकार।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
