काठमाडौं- नेकपा एमालेले १७ जना ज्येष्ठ कम्युनिस्ट नेताहरुलाई सम्मान गरेको छ। शुक्रबार नयाँ पार्टी कार्यालय च्यासलमा उनीहरुलाई सम्मान गरेको हो।
सक्रिय राजनीतिमा नरहेका तर विगतमा विभिन्न प्रयत्नले कम्युनिस्ट आन्दोलनलाई सघाएका उनीहरुलाई सम्मान गरिएको एमालेले जनाएको छ।
१७ मध्ये सम्मान कार्यक्रममा आइपुगेकाहरुलाई दोसल्ला ओडाएर, पुष्पगुच्छा र सम्मानपत्र दिएर सम्मान गरिएको हो।
एमालेको पार्टी कार्यालय शुक्रबारबाटै थापाथलीबाट च्यासलस्थित तुलसीलाल स्मृति प्रतिष्ठानमा सरेको हो। अध्यक्ष केपी शर्मा ओलीले कार्यालयको उद्घाटन गरेका थिए।
आजै एमालेले स्थानीय तहको निर्वाचनका लागि पार्टीको प्रतिबद्धता पत्र सार्वजनिक पनि गर्दैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
