काठमाडौं– सूर्य श्रेष्ठको निर्देशनमा बनेको फिल्म ‘लाइफ इन एलए’ जेठ ६ बाट प्रदर्शन हुने भएको छ। फिल्मको निर्माण पक्षले आगामी जेठ ६ गते फिल्म देशभर प्रदर्शन गर्ने बताएको छ।
यसअघि वैशाख ९ गते फिल्म प्रदर्शन गर्ने घोषणा भएको थियो। तर, विभिन्न कारणले फिल्मको प्रदर्शन मिति परिवर्तन गरिएको निर्देशक सूर्य श्रेष्ठले बताए। फिल्ममा व्यास विष्णु विस्सु, आकेशा श्रेष्ठ, शिल्पा मास्के, गौरव पहारी, बुद्धि तामाङ, प्रकाश घिमिरे, लोकेन्द्र लेखकलगायत कलाकारको अभिनय छ। नेपाल र अमेरिकामा छायांकन भएको फिल्ममा अमेरिकामा बसोबास गर्ने कलाकार जारेड विलप्स, साम भुजेल, जयन्द्र चिलुवाललगायत कलाकारको पनि अभिनय रहेको छ।
फिल्मलाई नेपालमा काठमाडौं उपत्यकाभित्र जिजिए ग्रुपले वितरण गर्दैछ भने उपत्यकाबाहिर एफडी कम्पनीले वितरण गर्दैछ। व्यास इन्टरटेनमेन्टको ब्यानसमा निर्माण भएको फिल्मलाई व्यास विष्णु र राजेन्द्र ठकुराथीले निर्माण गरेका छन्। भुपेन्द्र अधिकारी र उज्ज्वल ढकालको सम्पादन रहेको फिल्मलाई कविराज गहतराज र सुरज श्रेष्ठको कोरियोग्राफी रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
