रोहित शेट्टीको ‘कप युनिभर्स’मा सिद्धार्थ मल्होत्राको प्रवेश, फिल्म ‘इण्डियन पुलिस फोर्स’मा देखिने

समाचार

नेपाल लाइभ बुधबार, वैशाख ७, २०७९ १७:१३

काठमाडौं– बलिउड फिल्म निर्देशकहरुमा सर्वाधिक आम्दानी गर्ने सीमित निर्देशकहरुमध्ये एक हुन रोहित शेट्टी। उनले निर्देशन गरिरहेको ‘कप युनिभर्स’ अन्तर्गतका फिल्महरुले पछिल्लो समयमा निकै राम्रो व्यापार गरेका छन्। कर्मसियल र मनोरञ्जनात्मक फिल्म निर्देशन गर्ने शेट्टीले आफ्नो ‘कप युनिभर्स’ अन्तर्गतको नयाँ फिल्मको जानकारी सार्वजनिक गरेका छन्।

अजय देवगण, रणविर सिंह र अक्षय कुमारसँग काम गरिसकेपछि निर्देशक शेट्टीले अब सिद्धार्थ मल्होत्रालाई लिएर फिल्म बनाउन लागेका छन्। उनले आफ्नो ‘कप युनिभर्स’कै निरन्तरताको रुपमा बनाउन गर्ने फिल्म ‘इण्डियन पुलिस फोर्स’मा सिद्धार्थ देखिन लागेका हुन्।

अभिनेता सिद्धार्थले आफू निर्देशक शेट्टीको फिल्ममा काम गर्न लागेको कुरा सामाजिक सञ्जालमार्फत जानकारी दिएका छन्। उनले हाल ‘इण्डियन पुलिस फोर्स’ फिल्मको छायांकन भइरहेको बताउँदै आफ्नो भूमिका पनि सार्वजनिक गरेका छन्। फिल्ममा उनी प्रहरीको भूमिकामा देखिएका छन्।

सिंगम, सिम्बा र सूर्यवंशी निर्देशन गरिसकेका शेट्टीको यो फिल्म भने ओटीटी माध्यमबाट रिलिज हुनेछ। उनले फिल्मका लागि ओटीटी माध्यम अमेजोन प्राइमसँग सहकार्य गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड