.jpg)
फाइल तस्बिर।
काठमाडौं– नेपाली कांग्रेसका महामन्त्री गगन थापाले पार्टीले निर्णय नगरुन्जेल लड्ने तर लडेपछि मानेर जानुपर्ने बताएका छन्। नेपाली विद्यार्थी संघको स्थापना दिवसका आधारमा राजधानीमा आयोजित कार्यक्रममा बोल्दै उनले यस्तो बताएका हुन्।
उनले भने, ‘पार्टीमा आफ्नो मत राख्ने पनि हो। त्यसलाई पार्टीको मत बनाउने प्रयास गर्ने हो। पार्टीले निर्णय नगरुन्जेल लड्ने हो, निर्णय गरेपछि माने जाने हो । मलाई नेविसंघले यही सिकाएको हो।’
उनले गठबन्धन गर्न नहुने प्रसंगलाई लिएर आफूले राखेका मत कहिले मूलमत बन्ने त कहिले अल्पमत बन्ने बताए। गठबन्धन नगर्ने कुरा अहिले अल्पमत भएका कारण बहुमत मान्नुपर्ने उनको संकेत थियो।
उनले थपे, ‘अल्पमत मूलमत बनाउनेप्रति दृढ संकल्पित हुने हो । बुहमत मान्ने हो।’
उनले नेविसंघका नेता–कार्यकर्तालार्ए एउटा बिन्दु पछाडि मानेर अघि बढ्नुपर्छ भन्ने संकल्पसहित स्थानीय तहमा जान निर्देशन गरेका छन्।
उनले आगाम दिनमा सबै शक्तिलाई एक्लै परास्त गर्ने कांग्रेस बनाएर छाड्ने संकल्प भने अहिलेदेखि नै गर्नुपर्ने बताए।
‘प्रयत्नमा सम्झौता गर्ने होइन,’ उनले भने, ‘नेपालका कम्युनिस्ट पार्टीको रुपरङ फेरिरहन्छ। तर, कुनैबेला हामीलाई आफ्नै ताकतमा जानुपर्ने रहेछ भन्ने लाग्नेछ। त्यसका लागि आफ्नो मत छाड्ने हो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769489968.png)
-1769487479.png)
-1764146706.png)
