दक्षिण भारतीय फिल्म ‘कैथी’को हिन्दी रिमेक ‘भोला’मा अजय देवगण

समाचार

नेपाल लाइभ बुधबार, वैशाख ७, २०७९ १६:१८

काठमाडौं– पछिल्लो पटक ‘रनवे’ र ‘आरआरआर’मा देखिएका बलिउड अभिनेता अजय देवगणले आफ्नो नयाँ फिल्मको घोषणा गरेका छन्। उनले एक दक्षिण भारतीय फिल्मको हिन्दी रिमेकमा अभिनय सँगै निर्माण गर्न लागेका छन्।

२०१९ मा प्रदर्शनमा आएको दक्षिण भारतीय फिल्म ‘कैथी’को हिन्दी रिमेक ‘भोला’मा बलिउड अभिनेता अजय देवगण देखिने भएका हुन्। देवगणले आफ्नो सामाजिक सञ्जालमार्फत फिल्ममा आफूले काम गर्ने निधो भएको जानकारी सार्वजनिक गरेका हुन्।

फिल्मलाई धमेन्द्र शर्माले निर्देशन गर्नेछन्। फिल्ममा अजयसँगै अभिनेत्री तबु पनि मुख्य भूमिकामा देखिनेछिन्। देवगणकै प्रस्तुतिको रुपमा रहेको यो फिल्म आगामी वर्षको मार्च ३० मा प्रदर्शनमा ल्याउने तयारी रहेको उनले बताएका छन्। उनले सामाजिक सञ्जालमा लेखेका छन्, ‘मेरो नयाँ काम गर्वसाथ घोषणा गर्छु। २०२३ मार्च ३० मा प्रदर्शनमा आउनेछ।’

२०१९ मा प्रदर्शनमा आएको तमिल भाषाको फिल्म ‘कैथी’ एक्सन थ्रिलर विधामा आधारित फिल्म हो। फिल्मलाई लोकेश कनगराजले निर्देशन गरेका थिए। उक्त फिल्म सिनेमा हलमा निकै चर्चित भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड