काठमाडौं– स्थानीय तह निर्वाचनको तालमेल टुंग्याउन सत्तारुढ गठबन्धनको बैठक सुरु भएको छ। गठबन्धन दलका नेताहरुको बैठक प्रधानमन्त्रीको सरकारी निवास बालुवाटारमा जारी छ।
यसअघि बिहान ११:३० बजे बस्ने भनिएको बैठक तयारी नपुगेको भन्दै दिउँसो २ बजेका लागि सारिएको थियो। निर्धारित समयभन्दा झण्डै १ घण्टा ढिला गरी बैठक सुरु भएको हो।
सोमबार बसेको गठबन्धनको बैठकमा महानगरपालिकाको भागबण्डाको विषयमा कुरा मिल्न सकेको थिएन। पोखरा महानगरपालिकाको भागबण्डालाई लिएर गठबन्धनका दलहरुबीच विवाद छ।
पोखराको मेयरमा गठबन्धनका २ दल नेपाली कांग्रेस र नेकपा एकीकृत समाजवादीले दाबी गरेका छन्। ६ महानगरमध्ये अन्यमा भागबण्डा मिलिसकेको बताइए पनि पोखराका कारण टुंगोमा पुग्न सकेको छैन।
पोखरा महानगरको विषयमा छलफल गर्न कांग्रेस सभापति एवम् प्रधानमन्त्री शेरबहादुर देउवाले कास्कीका नेताहरुलाई काठमाडौं बोलाएका छन्।
६ महानगरमध्ये नेपाली कांग्रेसले काठमाडौं, ललितपुर र विराटनगर लिने सहमति भएको छ। त्यस्तै, माओवादी केन्द्रले भरतपुर र जनता समाजवादी पार्टीले वीरगञ्ज लिने सहमति भएको छ।
गठबन्धनका दलहरुबीच केही उपमहानगरपालिकाको भागबण्डामा पनि सहमति हुन सकेको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
