काठमाडौं– सत्ता गठबन्धनको दल जनता समाजवादी पार्टीले स्थानीय तहको निर्वाचनमा १ महानगरपालिका सहित ३ उपमहानगरपालिकाको नेतृत्वमा दाबी गरेको छ। बालुवाटारमा बसेको सत्ता गठबन्धनको कार्यदलको बैठकमा जसपाले यस्तो दाबी गरेको हो।
‘जसपाले वीरगन्ज महानगरपालिकासहित धरान, जनकपुरधाम र नेपालगन्ज उपमहानगरमा रहेको छ,’ बैठकमा सहभागी एक नेताले भने, ‘अन्य दलले पनि आ–आफ्नो दाबी पेश गरेका छन्। तर, सहमति भइसकेको छैन।’
जसपाले अन्य स्थानीय तहमा पनि आफ्नो पार्टीको सशक्त उपस्थिती रहेको भन्दै सम्मानजनक रुपमा बाँडफाँड हुनुपर्ने बताएको छ।
आजको बैठकमा जिल्लाहरुबाट आएको रिपोर्टका आधारमा गठबन्धनमा रहेका दलहरुले आ–आफ्नो स्थितिका बारेमा ब्रिफिङ गरेको राष्ट्रिय जनमोर्चाका नेता हिमलाल पुरीले जानकारी दिए।
‘आजको बैठकमा सबै विषयमा छलफल भएको छ। सहमति केही भइसकेको अवस्था छैन,’ उनले भने, ‘भोली(सोमबार) पुनः बैठक बसेर आवश्यक निष्कर्षमा पुग्ने सहमति भएको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
