काठमाडौं– नेपाली कांग्रेसका महामन्त्री गगन थापाले चुनाव नजिएकाले समय खेर नफाल्न आग्रह गरेका छन्। आइतबार बिहान बुढानीलकण्ठ नगरपालिका वडा नम्बर २ को पार्टी कार्यालय उद्घाटन कार्यक्रममा वडा नम्बर १ का कार्यकर्ता देखिएपछि उनले सो आग्रह गरेका हुन्।
'अन्यथा नलिनुहोला। आज कार्यालय उद्घाटन भएको हुनाले गर्दाखेरि बाहिरको साथीहरु आमन्त्रित गरेकोले आउनुभएको छ। त्यसमा मेरो अन्यथा केही टिप्पणी छैन। तर मैले यहाँ वडा नम्बर १ को उम्मेदवार साथीहरु देखिरहेको छु। चुनावमा जम्मा २०/२२ दिन बाँकी रहेको बेलामा कांग्रेसले गरेको कार्यालय उद्घाटनमा आएर आफ्नो समय खेर नफाल्न म आग्रह गर्छु', थापाले भने।
उनले चुनाव नजिएका बेलामा दुई चार जना भए पनि मतदाता भेटेर कुराकानी गर्न उनले सुझाव दिए। उनले उद्घाटन र कार्यकर्ता जम्मा हुने स्वरुपमा कार्यक्रम पनि नगरी निर्वाचन केन्द्रित कार्यक्रम गर्नुपर्ने बताए। 'छोटो कार्यक्रम गर्ने हो। हामीले पार्टीबाट सर्कुलर पनि जारी गरेका छौं- आसन ग्रहण नगराउने, सामूहिक गराउने। एकजना जसले बोल्ने हो बोल्ने र कार्यक्रम सक्ने', उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1751526495.png)
-1749826086.png)
