काठमाडौं– परराष्ट्रमन्त्री नारायण खड्काले समृद्धिका लागि जापानले हासिल गरेको ज्ञान, सीप र अनुभव नेपालका लागि अति उपयोगी हुने बताएका छन्।
नेपाल जाइका अलमनाइ एसोसिएसनले शनिबार काठमाडौंमा आयोजना गरेको एक कार्यक्रममा बोल्दै मन्त्री खड्काले जापानमा गएका नेपालीहरुले हासिल गरेका ज्ञान, सीप र अनुभव नेपालले उपयोग गरेर अघि बढनुपर्ने पनि बताए।
जापानले नेपालको विकासमा पुर्याउँदै आएको सहयोगको पनि खुलेर प्रशंसा गरे। भूकम्प गएको बेला होस् वा कोभिडको बेला जापानले नेपालमा ठूलो मानवीय सेवाको काम गरेको मन्त्री खड्काको भनाइ छ।
‘जापानले हामीलाई अप्ठ्यारो परेको बेलामा, चाहे भूकम्पको बेलामा होस्, चाहे कोभिडको बेलामा होस्, धेरै ठूलो मानवीय सेवा उपलब्ध गराएको छ। यसका लागि पनि म जापान सरकारलाई नेपाली जनता र नेपाल सरकारको तर्फबाट हार्दिक हार्दिक धन्यवाद दिन चाहन्छु,’ खड्काले भने, ‘जापान गएका नेपालीहरुको जान, सीप र अनुभव उपयोग गर्नुछ। मुलुकको समृद्धिका लागि विकास लागि त्यो अति उपयोगी छ।’
मन्त्री खड्काले जापानले नेपाललाई विनासर्त सहयोग गर्दै आएको पनि स्मरण गरे। नेपालको विकास साझेदारीमा जापान सरकारको सबैभन्दा ठूलो योगदान रहेको पनि खड्काले उल्लेख गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766152266.png)
-1764146706.png)
-1763721444.png)
