काठमाडौं– भारतको पञ्जाबका मुख्यमन्त्री भगवन्त मानले आउँदो जुलाई १ तारिखदेखि मासिक ३ सय युनिटसम्म बिजुली नि:शुल्क दिने घोषणा गरेका छन्।
आम आद्मी पार्टीको तर्फबाट मुख्यमन्त्रीमा निर्वाचित भएको एक महिना पुगेको अवसरमा मुख्यमन्त्री मानले पञ्जाबका नागरिकले हरेक महिना ३ सय युनिटसम्मको बिजुली नि:शुल्क पाउने घोषणा गरेका हुन्।
उनले औद्योगिक उपभोक्ताको लागि महसुल नबढाउने र कृषकहरुका उपकरणमा लाग्ने शुल्क पनि कटौती गरिने बताए।
हरेक घरमा ३ सय युनिटसम्म बिजुली नि:शुल्क उपलब्ध गराउने विषय आम आद्मी पार्टीको चुनावी वाचामध्ये एक थियो। यो निर्णय कार्यान्वयन भएमा पञ्जाबका ६२ लाख २५ हजार अर्थात् झण्डै ८४ प्रतिशत परिवारले नि:शुल्क बिजुली पाउनेछन्।
पञ्जाब सरकारले ३ सय युनिटसम्म नि:शुल्क बिजुली दिँदा वार्षिक ५५ अर्ब भारु बेहोर्नुपर्ने भारतीय सञ्चारमाध्यमहरुले जनाएका छन्।
यसअघि कांग्रेस आईको सरकारले मासिक २ सय युनिटसम्मको बिजुली नि:शुल्क गरेको थियो भने ७ किलोवाटसम्मका ग्राहकले न्यूनतम प्रतियुनिट ३ भारु तिरे पुग्थ्यो। गएको महिना भएको चुनावमा पञ्जाबका एक सय १७ सिटमध्ये आम आद्मीले ९२ सिटमा जितेको छ। आम आद्मी नेतृत्वको सरकारले दिल्लीमा गरेको व्यापक सुधार र विकासका कारण अन्य प्रदेशमा पनि पार्टीको प्रभाव बढ्दै गएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
