काठमाडौं– पूर्वप्रधानमन्त्री एवम् नेकपा (एकीकृत समाजवादी) का 'सम्मानित नेता' झलनाथ खनालले भूमि मापनको प्रक्रियालाई अत्याधुनिक बनाउन नसकिएको भन्दै असन्तुष्टि पोखेका छन्।
बिहीवार जग्गा प्रशासनमा लिखित रजिस्ट्रेशनको शतवार्षिकी समारोहमा बोल्दै पूर्व प्रधानमन्त्री खनालले यस्तो बताएका हुन्। उनले मापन गर्ने प्रक्रियामा विकाश हुँदै गएको भएपनि मापन प्रक्रिया अझै अत्याधुनिक प्रविधिबाट हुन नसकेको बताए। खनालले नयाँ भूमिसुधार गर्न जरुरी रहेको भन्दै मापन प्रक्रियालाई अत्याधुनिक बनाउनुपर्नेमा जोड दिए।
पूर्व प्रधानमन्त्री खनालले भने, ‘अझै हामीले हाम्रो देशको भूमिलाई राम्रोसँग मापन गर्न सकिरहेका छैनौँ । मापन गर्ने क्रमशः समुन्नतिकृत हुँदै गएको भएपनि मापन प्रक्रियालाई अत्याधुनिक बनाउन अझै सकेका छैनौँ। हाम्रो देशमा अहिले पनि मेचीदेखि महाकालीसम्म हामीले हेर्ने हो भने झापामा पनि २०१२ सालदेखि बसेका जमीन छन्, तर मापन भएको छैन। राजस्ट्रेशन छैन। त्यो खालका अवस्थाहरु देशव्यापी रुपमा रहेका छन्।’
मालपोतको बिस्तार भइरहे पनि मापन प्रक्रियालाई अझै अत्याधुनिक बनाउन जरुरी रहेको खनालको भनाइ छ। ‘हामीले चाँडो भन्दा चाँडो अत्याधुनिक प्रविधिबाट भूमिसुधारको कुरालाई, भूमिमापनको कुरालाई हामीले अघि बढाउन अत्यावश्येक छ । मालपोतको बिस्तार गरिरहे पनि अझै मापन प्रक्रियालाई अत्याधुनिक बनाउन जरुरी छ । नयाँ भूमिसुधार गर्न जरुरी छ । देशले अत्याधुनिक प्रविधि भित्राएर नयाँ उचाईबाट मापन प्रणाली बिस्तार गर्नुपर्छ,’ खनालले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
