काठमाडौं- नेकपा एमालेका अध्यक्ष केपी शर्मा ओलीले चुनावी प्रतिस्पर्धाका लागि नेकपा एमाले एक्लै काफी भएको दाबी गरेका छन्। उनले अस्तित्व रक्षाका लागि अरु पार्टीले एमालेसँग मिल्न सक्ने पनि बताए।
पार्टी प्रवेश कार्यक्रमका लागि इनरुवा पुगेका उनले कमजोरहरुलाई मिलेर आउन आग्रह गरे। 'कमजोरहरु मिलेर आउनुपर्छ, मिलेर आउन्', उनले भने, 'नेकपा एमाले एक्लै काफी छ। यसको अर्थ अरु साना दलहरु कोही हामीसँग मिल्नै पाउँदैनन्, हामीसँग मिलेर अस्तित्व रक्षा गर्न पाउँदैनन्, हामीसँग मिलेर केही पालिका केही वडा जित्न पनि पाउँदैनन् भन्ने संकीर्णता पनि हामीसँग छैन।'
एमालेले बुधबारै राप्रपा नेपाल र नेपाल परिवार दलसँग चुनावी तालमेलको सहमति गरेको छ। सहमति अनुसार ती पार्टीहरु एमालेको चुनाव चिह्न सूर्यबाट प्रतिस्पर्धा गर्नेछन्।
इनरुवामा पनि ओलीले एमालेको छत्रछायाँमा रहेर आफ्नो आफ्नो अस्तित्व रक्षा गर्न चाहने साना दलहरुलाई सूर्य चिह्नबाट चुनाव लड्न आग्रह गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1763559424.jpg)
-1764080971.png)
