काठमाडौं– वैशाख १ बाट प्रदर्शनमा आउन लागेको फिल्म ‘ए मेरो हजुर ४’को प्रदर्शन नजिकिदैं जाँदा फिल्मका निर्माता तथा निर्देशकले आफूहरु विदेशी फिल्मसँग एक्लै लड्नु परेको बताएका छन्।
फिल्मको प्रदर्शन मिति नजिकिँदै जाँदा सामाजिक सञ्जालमार्फत दर्शकलाई फिल्म हेर्न आग्रह गर्दै निर्माता सुनिलकुमार थापा र निर्देशक झरना थापाले अहिले विदेशी चलचित्रसँग एक्लै लड्नु परेको बताएका हुन्।
‘अहिले हामी विदेशी चलचित्रसँग एक्लै लड्नु परेको छ,’ उनीहरूले लेखेका छन्, ‘भोलि तपाईंले पनि लड्नु पर्छ। बुढी मरिभन्दा पनि काल पल्किएको हेक्का राख्नु हुन मेरो विनम्र अनुरोध छ।’
वैशाख १ मा थापाको निर्माणमा बनेको फिल्मसँगै दक्षिण भारतीय फिल्म ‘केजीएफ २’ पनि प्रदर्शनमा आउँदै छ। सँगै फिल्मको प्रदर्शन भएपनि ‘केजीएफ २’ लाई नेपाली फिल्म हलहरुमा ‘ए मेरो हजुर ४’को तुलनामा निकै धेरै शोहरु प्रदान गरिएको छ। यसबीच ‘ए मेरो हजुर ४’ले दर्शक नपाउने डर पनि बढेको छ।
क्रासै क्रासकाबीच फिल्मको प्रचारपसारमा व्यस्त निर्माण पक्षले यतिबेला विदेशी फिल्मको दबदबादेखि राष्ट्रियतासम्मका विषयलाई मुद्दा बनाएको छ। निर्माण पक्षले विदेशी फिल्मसँगको आफ्नो लडाईंमा कसैले साथ नदिएको भन्ने तर्क पनि अघि सारिरहेका छन्।
फिल्मका निर्माता थापा भन्छन्, ‘चलचित्रकर्मी मित्रहरु, आज हामीलाई झम्टिने चितुवाले भोलि तपाईंलाई बाँकी राख्छ त? यो तथ्यलाई विचार गर्नुहोला।’
थापाले जस्तोसुकै परिस्थिति आएपनि आफ्नो फिल्म तोकेकै मितिमा प्रदर्शन हुने बताएका छन्। उनले आफूसँग भएका स्रोत, साधन, बजार र प्रविधिअनुसार इमान्दारिपूर्वक ‘ए मेरो हजुर ४’ बनाएको भन्दै दर्शकलाई फिल्म हेर्न आग्रह गरेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
