काठमाडौं– भारतीय फिल्म क्षेत्रअन्तर्गतको बलिउडमा सबैभन्दा लामो समयदेखि राज गरिरहेको छ कपुर परिवार।
११० वर्षभन्दा लामो समयदेखि बलिउडमा कपुर परिवारबाट फिल्म क्षेत्रमा कलाकारहरुको बर्चस्व छ। १९२८ मा कपुर परिवारबाट पृथ्वीराज कपुरले अभिनय सुरु गरेसँगै सुरु भएको बलिउडमा कपुर परिवारको प्रवेश अहिले रणविर कपुरसम्म आइपुगेको छ। यो अवधिमा कपुर परिवारले बलिउडमा ९ सय ८९ फिल्म खेलिसकेका छन्।
यो सबैको सुरुवात कपुर परिवारबाट पृथ्वीराज कपुरसँगै हुन्छ। उनले ८ वर्षको उमेरमा अभिनय सुरु गरेका थिए। कलेजमा नाटकमा काम गरेसँगै सुरु भएको उनको अभिनय यात्राले पछि फिल्ममा प्रवेश पाएको थियो।
पृथ्वीराज त्यो बेलाका केही पढेलेखेका कलाकारहरुमध्येका थिए। उनले १९२८ देखि १८७२ सम्म फिल्म क्षेत्रमा काम गरे। यो अवधिमा उनले ७० भन्दा धेरै फिल्ममा काम गरेका थिए। उनलाई फिल्ममा गरेको अभिनय र योगदानका कारण १९६९मा भारतको प्रसिद्ध पुरस्कार पद्म भुषण दिइएको थियो। १९७२ मा उनले दादासाहेब फाल्के अवार्ड पनि पाएका थिए।
पृथ्वीराजका भाई त्रीलोक कपुर अर्का फिल्मी तारा हुन्। उनको फिल्मी यात्रा १९३३ देखि १९८८ सम्म चलेको थियो। उनले यो अवधिमा १२३ भन्दा धेरै फिल्ममा अभिनय गरेका थिए। त्रिलोक कपुर आफ्नो समयमा सबैभन्दा धेरै पारिश्रमिक लिने कलाकारमध्ये एक थिए। उनको पहिलो फिल्म ‘दरवेश’ थियो। उक्त फिलम ब्लकबस्टर भएको थियो। १९५० मा उनले भगवान शिवको रुपमा काम गरेको भूमिका निकै चर्चित भएको थियो।
अर्का कपुर राज कपुर फिल्मी क्षेत्रका चर्चित कलाकार तथा निर्देशक हुन्। पृथ्वीराज कपुरका छोरा उनले १९३५ देखि १९८८ सम्म फिल्ममा काम गरेका थिए।
भारतीय सिनेमामा एक युगको रुपमा याद गरिने राजले आफ्नो फिल्मी करिअरमा ७१ फिल्महरुमा काम गरेका थिए। बाल कलाकारको रुपमा फिल्ममा देखा परेका उनले प्रमुख भूमिकामा ‘नील कमल’ फिल्ममार्फत प्रवेश गरेका थिए। १९४९ मा उनले आफ्नो पहिलो फिल्म निर्देशन गरेका थिए। फिल्मको नाम ‘आग’ थियो। राज बपुरले २४ वर्षको हुँदा आरके स्टुडियो बनाएका थिए। उक्त स्टुडियोले भारतमा फिल्म निर्माणको काममा निकै भूमिका खेलेको थियो।
१९५३ देखि अभिनय सुरु गरेका अर्का कपुर हुन् शम्मी कपुर। कपुर परिवारका पहिला कलाकार पृथ्वीराज कपुरका कान्छा छोरा शम्मी कपुरले फिल्मी यात्रा ‘जीवन ज्योती’ फिल्ममार्फत १९५३ मा सुरु गरेका थिए। उनले आफ्नो करिअरमा करिब २०० फिल्ममा काम गरेका थिए। २०११ सम्म उनले फिल्म क्षेत्रमा काम गरे। उनको अन्तिम फिल्म २०११ मा प्रदर्शनमा आएको ‘रकस्टार’ थियो।
१९६१ पछिको समयमा कपुर परिवारका शशी कपुरको चर्चा थियो। कपुर परिवारका सबैभन्दा कान्छा भाइ रहेका शशीले पनि अन्य भाइहरुले जस्तै बाल कलाकारको रुपमा काम गरेका थिए। उनको पहिलो फिल्म राज कपुरले निर्देशन गरेको ‘आग’ थियो। १९८४ सम्म रहेको उनको करिअरमा उनले १७० फिल्महरुमा काम गरेका थिए।
रणधिर कपुर पृथ्वीराज कपुरका नाती र राज कपुरका छोरा थिए। १९५५ मा सुरु भएको उनको फिल्मी यात्रा १९७५ सम्म चलेको थियो। यो अवधिमा उनले ५१ फिल्महरुमा काम गरेका थिए। रणधीरकै निर्देशनमा कपुर परिवारका तीन पुस्तालाई लिएर ‘आज और कल’ फिल्म निर्माण भएको थियो।
छोराहरुले फिल्ममा गरेजस्तै कपुर परिवारबाट छोरीहरुले पनि फिल्मी क्षेत्रमा काम गरेका छन्। पहिलो पटक शशी कपुरकी छोरी सञ्जना कपुरले फिल्ममा प्रवेश गरेर यो चलनको सूरुवात गरेकी थिइन्। तर, रणधीर र बबिताकी छोरी करिश्मा कपुरले १९९१ मा फिल्म क्षेत्रमा काम गर्दै कपुर परिवारबाट पहिलो पटक छोरी सुपरस्टार बन्न सकेकी थिइन्। १९९१ मा ‘प्रेम कैदी’ फिल्मबाट सुरु भएको उनको यात्रा ९० को दशकका चर्चित फिल्महरुमा पनि थियो। उनले ‘राजा हिन्दुस्तानी’जस्तो चर्चित फिल्ममा काम गरेकी थिइन्। उनी अहिले पनि फिल्म क्षेत्रमै काम गरिरहेकी छिन्।
अर्कि अभिनेत्री करिना कपुर पनि कपुर परिवारबाटै आएकी हुन्। २००० को दशकबाट सुरु भएको उनको फिल्मी यात्रा हालसम्म ६४ फिल्ममा पुगिसकेको छ। रणधीर र बबिता कपुरकी छोरी करिनाले थ्री इटियट्स, ह्वेन वि मिटजस्ता चर्चित फिल्महरुमा काम गरिसकेकी छिन्। उनी हाल पनि फिल्मी क्षेत्रमै सक्रिय छिन्।
ऋषि कपुर कपुर परिवारबाट आएका पहिलो ‘चकलेटी हिरो’ हुन्। १९५२ बाट सुरु भएको उनको अभिनयको यात्रा २०२० सम्म चलेको थियो। यो अवधिमा उनले १६१ वटा फिल्ममा काम गरे। उनको अभिनयका कारण उनलाई उत्कृष्ट डेब्यु अवार्डदेखि फिल्म फेयर अवार्डसम्म दिइएको थियो। २०२० मा ऋषिको क्यान्सरका कारण निधन भएको थियो।
कपुर परिवारका कान्छा अभिनेता हुन रणवीर कपुर। २००७ बाट उनको फिल्मी यात्रा सुरु भएको थियो। सुरुवातमा सहायक निर्माताको रुपमा फिल्ममा काम गर्न थालेका उनले पहिलो पटक सञ्जय लिला भन्सालीको फिल्ममार्फत काम गरेका थिए। २००७ मा उनले ‘सांवरिया’ फिल्ममार्फत प्रमुख भूमिकामा डेब्यु गरे। रणविरले हालसम्म ‘अजब प्रेमकी गजब कहानी’, ‘रकेट सिंह’, ‘रकस्टार’, ‘सञ्जु’जस्ता सफल फिल्ममा काम गरेका छन्। हाल फिल्म क्षेत्रमै सक्रिय उनले २८ फिल्ममा काम गरिसकेका छन्।
भास्करबाट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
