काठमाडौं– बलिउडका दिग्गज अभिनेता नाना पाटेकरले चार वर्षपछि फिल्म क्षेत्रमा पुनरागमन गरेका छन्। उनले आगामी फिल्म ‘द कन्फेसन’मार्फत चार वर्षपछि पुनरागमन गर्न लागेका हुन्।
चार वर्षअघि विश्वव्यापी महिला आन्दोलन ‘मिटु’ मुद्दामा आफ्नो नाम जोडिएसँगै पाटेकरले फिल्म क्षेत्रबाट बिश्राम लिएका थिए।
अन्तिम पटक २०१८ मा प्रदर्शनमा आएको फिल्म ‘काला’मा देखिएका उनीविरुद्ध अभिनेत्री तनुश्री दत्ताले मिटुको मुद्दामा नाम लिएसँगै उनले अभिनयबाट केही समय विश्राम लिएका थिए। जसकारण उनले खलनायकको भूमिकामा काम गर्ने भनेको फिल्म ‘हाउसफुल ४’मा पनि उनले अभिनय गर्न पाएनन्। २०२१ को अन्त्यमा पाटेकरलाई टाटा स्काईको विज्ञापनमा देखिएको थियो।
उक्त घटनाको चार वर्षपछि पाटेकरले पुनः फिचर फिल्ममार्फत आगमन गरेका छन्। अनन्त नारायण महादेवनको निर्देशनमा बनेको फिल्म एक थ्रिलर विधामा रहेको फिल्म हो।
पाटेकरको नयाँ फिल्म ‘द कन्फेसन’को टिजर पनि सार्वजनिक भएको छ। टिजरमा एक अदालतको कोठालाई देखाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
