काठमाडौं– जर्मन क्लब बायर्न म्युनिख यूईएफए च्याम्पियन्स लिगको क्वाटरफाइनलको पहिलो लेगमा पराजित भएको छ। उपाधि दावेदार बायर्न स्पेनिस क्लब भिल्लारियलसँग उसकै मैदानमा १–० ले पराजित भएको हो।
घरेलु मैदानमा भिल्लारियलको जितमा एर्नाउट डानजुमाले गरेको गोल निर्णायक बन्यो। उनले खेलको आठौं मिनेटमा ड्यानियल पारेजोको पासमा गोल गरेका थिए।
खेलको सुरुमै गोल खान पुगेको बायर्नले ६२ प्रतिशत बल पोसेसन राखेपनि भिल्लारियलको बलियो रक्षापङ्ति तोड्न नसक्दा पराजित हुन पुग्यो। ४१औं मिनेटमा घरेलु टोलीका फ्रान्सिस कोकुलिनले गोल गरेपनि भिएआरबाट मान्यता पाएन।
जितसँगै भिल्लारियलले सेमिफाइनल पुग्ने सम्भावना बलियो बनाएको छ। अब दोस्रो लेगमा यही नतिजा कायम राख्न सके भिल्लारियल सेमिफाइनलमा प्रवेश गर्नेछ।
बायर्नलाई सेमिफाइनलमा प्रवेश गर्न घरेलु मैदानमा हुने दोस्रो लेगमा कम्तीमा २–० को जितको खाँचो छ। दोस्रो लेग १२ मार्चमा एलिएन्ज एरिना म्युनिखमा हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790816682.webp)
-1786602170.png)
