काठमाडौं- आसन्न भारत भ्रमणको बेलामा भारतसँग सीमा समस्याको विषय उठाउन सत्ता गठबन्धनका दलहरुले प्रधानमन्त्री शेरबहादुर देउवालाई सुझाव दिएका छन्।
'प्रधानमन्त्रीलाई भारत भ्रमणका बेला भारतले मिचेका लिपुलेक, लिम्पियाधुरा, कालापानी लगायतका सीमा समस्या समाधानका लागि कुटनीतिक तवरबाट राष्ट्रियताको हित हुने विषय उठाउन भनेका छौँ', बैठकमा सहभागी एक नेताले भने।
सञ्चार तथा सूचना प्रविधिमन्त्री ज्ञानेन्द्रबहादुर कार्कीले भने प्रधानमन्त्री शेरबहादुर देउवाको आसन्न भारत भ्रमणले दुई देशबीचको सम्बन्धलाई थप सुदृढ बनाउने बताएका छन्।
'नेपाल-भारतको सम्बन्धलाई अझ प्रगाढ बनाउने, विकसित गर्ने र हाम्रा बीचमा देखिएका समस्याहरु छन्, त्यसलाई उच्चस्तरको राजनीतिक र कूटनीतिक माध्यमद्वारा हल गरेर दुई देशको सम्बन्धलाई अझ सुदृढ बनाउन यसपटकको प्रधानमन्त्रीको भ्रमण सफल हुनेछ भन्ने विश्वास हामीले लिएका छौँ', उनले भने।
प्रधानमन्त्री शेरबहादुर देउवा तीन दिने भ्रमणका लागि शुक्रबार भारत प्रस्थान गर्दैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1732445217.webp)
