काठमाडौं- नेकपा एमालेको प्रथम स्थायी कमिटी बैठक जारी छ। बैठकको सुरुवातमा अध्यक्ष केपी शर्मा ओलीले चिनियाँ विदेशमन्त्री वाङ यीसँगको भेटवार्ताबारे ब्रिफिङ गरेका छन्।
अध्यक्ष ओलीले वाङसँगको भेट अत्यन्तै सौहार्दपूर्ण वातावरणमा भएको बताए। भेटमा आफ्नो पार्टीका वरिष्ठ उपाध्यक्ष ईश्वर पोखरेल, महासचिव शंकर पोखरेल लगायत सहभागी रहेको उनले बताए।
भेटमा 'नोट किपर'को रुपमा परराष्ट्र मन्त्रालयका उपसचिव रहेको उनले बताए। 'हामीले राख्ने, देखाउने र लुकाउने कुरा केही पनि छैन', परराष्ट्र मन्त्रालयको प्रतिनिधि राख्नुपर्नाको कारणबारे उनले भने।
चिनियाँ परराष्ट्रमन्त्रीसँग चीन र नेपालको सम्बन्धको बारेमा कुरा भएको ओलीको भनाइ छ। वाङले नेपालको सार्वभौमसत्ता र स्वाधिनतालाई सम्मान गर्ने धारणा राखेको उनले बताए।
एक चीन नीतिका बारेमा आफूहरूले प्रतिबद्धता दोहोर्याएको उनले बताए। त्यसप्रति नेपालमा मतभेद नरहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
