काठमाडौं- नेपाल सुपर लिग (एनएसएल) को नयाँ फ्रेन्चाइजी टोली झापा एफसीले प्रदीप हुमागाईंलाई मुख्य प्रशिक्षक नियुक्त गरेको छ।
झापाले बुधबार सामाजिक सञ्जालमार्फत् दोस्रो संस्करणको एनएसएलका लागि हुमागाईंलाई मुख्य प्रशिक्षक नियुक्त गरिएको जनाएको छ।
झापा एनएसएलको नयाँ टोलीको हो। झापाले दोस्रो संस्करणको एनएसएल खेल्ने छ।
हुमागाईं अघिल्लो संस्करणमा ललितपुर सिटी एफसीको मुख्य प्रशिक्षक थिए। तर, टोलीले लगातार खराब प्रदर्शन गरेपछि उनलाई प्रतियोगिता नसकिँदै बर्खास्त गरिएको थियो।
झापाले मार्की खेलाडीमा अन्जन विष्टलाई अनुबन्ध गरिसकेको छ। एनएसएलको दोस्रो संस्करण चैत २६ देखि जेठ ७ गतेसम्म आयोजना हुनेछ।
दोस्रो संस्करणको प्रतियोगिताका खेलहरु पोखरा र काठमाडौंमा हुनेछ। पहिलो संस्करण दशरथ रंगशालामा आयोजना भएको थियो। पहिलो संस्करणमा ७ टोलीले प्रतिस्पर्धा गरेका थिए।
पहिलो संस्करणको उपाधि काठमाडौं रेजर्सले जितेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788257020.png)
-1786602170.png)
-1786513116.png)
