काठमाडौं– फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित हात पारेको छ।
आइतबार राति सम्पन्न खेलमा पीएसजीले बोर्डेअक्सलाई ३–० गोल अन्तरले पराजित गरेको हो।
घरेलु मैदानमै सम्पन्न खेलको २४औं मिनेटमा एमबाप्पेको गोलबाट पिएसजीले पहिलो हाफमा १–० को अग्रता लिएको थियो। उनले डिफेन्डर जर्जिन्हो वाइनाल्डमको पासमा गोल गरेका थिए।
खेलको ५२औं मिनेटमा नेयमारले गोल गर्दै पिएसजीको अग्रता दोब्बर पारे। उनले अचरफ हाकिमीको पासमा गोल गर्न सफल भएका थिए। ६१औं मिनेटमा पारेडेसले गोल गर्दै पिएसजीको जित पक्का गरे।
जितसँगै २८ खेलमा ६५ अंक जोडेको पीएसजी शीर्ष स्थानमा यथावत् रहेको छ। पराजित बोर्डेअक्स २२ अंक जोडेर पुछारमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
