काठमाडौं– नेपालकै पहिलो फ्रेन्चाइज फुटबल प्रतियोगिता नेपाल सुपर लिग (एनएसएल)को दोस्रो संस्करणका लागि खेलाडी किनबेच (अक्सन) मा राष्ट्रिय टोली तथा नेपाल पुलिस क्लबका फरवार्ड सुमन लामा र त्रिभुवन आर्मी फुटबल क्लबका फरवार्ड नवयुग श्रेष्ठ दोस्रो पटकमा बिक्री भएका छन्।
उनीहरुलाई पहिलो चरणमा कसैले किन्न इच्छा देखाएका थिएनन्। तर, दोस्रो चरणमा सुमनलाई साविक विजेता काठमाडौं रेजर्सले भित्र्यायो। यता, राष्ट्रिय टोलीका फरवार्ड नवयुगलाई धनगढी एफसीले भित्र्यायो।
काठमाडौंको सोल्टी होटेलमा सम्पन्न अक्सनमा २ सय ४९ जना खेलाडी अक्सनमा समावेश गरिएकोमा ‘ए’ क्याटागोरीका ४९, ‘बी’ र ‘सी’ क्याटागोरीका १००/१०० जना खेलाडीलाई १० वटा क्लबले बोली लगाएका थिए। अक्सनबाट १५० खेलाडी अनुबन्धित भएका छन्।
एक टोलीले १५ जना खेलाडी अनुबन्धनका लागि कम्तिमा १८ लाखदेखि बढीमा २५ लाख रुपैयाँसम्म खर्च गर्न पाउने व्यवस्था मिलाइएको थियो। एक टोलीले क्याटागोरी ‘ए’ बाट बढीमा ४, ‘बी’ बाट बढीमा ६ र ‘सी’ बाट बढीमा ५ जना खेलाडी अनुबन्ध गर्न पाउने व्यवस्था मिलाइएको थियो।
जो दोस्रो चरणमा बिक्री भए
फरवार्ड टेकबहादुर बुढाथोकी दोस्रो पटकमा बिक्री भए। उनलाई पहिलो चरणमा कसैले किन्न इच्छा देखाएका थिएनन्। उनलाई दोस्रो चरणमा पोखरा थन्डर्स एफसीले लियो। उनी गत सिजन चितवन एफसीबाट खेलेका थिए। उनी त्रिभुवन आर्मीका महत्त्वपूर्ण खेलाडी हुन्। उनले १ लाख ५० हजार पाए।
मिडफिल्डर मिक्चेन तामाङ पनि दोस्रो पटकमा बिक्री भए। उनलाई पहिलो चरणमा कसैले किन्न इच्छा देखाएका थिएनन्। उनलाई दोस्रो चरणमा ललितपुर सिटी एफसीले लियो। उनी ए डिभिजन क्लब थ्रीस्टारका महत्त्वपूर्ण खेलाडी हुन्।
उनी गत सिजन पनि ललितपुर सिटी एफसीबाट खेलेका थिए। उनले पनि १ लाख ५० हजार पाए। ‘सी’ क्याटोगोरीबाट ललितपुरले जीवन गुरुङलाई पनि लियो। उनले ५० हजार पाए।
यता, ए डिभिजन क्लब एपीएफका मिडफिल्डर निरज चौधरी पनि दोस्रो पटकमा विक्री भए। उनलाई पहिलो चरणमा कसैले किन्न इच्छा देखाएका थिएनन्। उनलाई दोस्रो चरणमा स्पोर्टिङ इलाम डी मेचीले लियो। उनले पनि १ लाख ५० हजार पाए। हेमन्त श्रेष्ठलाई पनि मेचीले लियो। उनले १ लाख पाए।
राष्ट्रिय टोली तथा नेपाल पुलिस क्लबका फरवार्ड सुमन लामा पनि दोस्रो पटकमा विक्री भए। उनलाई पहिलो चरणमा कसैले किन्न इच्छा देखाएका थिएनन्। उनलाई दोस्रो चरणमा उनलाई साविक विजेता काठमाडौं रेजर्सले भित्र्यायो।
‘ए’ क्याटागोरीमा रहेका सुमनको न्यूनतम मूल्य १ लाख ५० हजार रुपैयाँ रहेको थियो। काठमाडौंले नै ए डिभिजन क्लब संकटाबाट खेलिरहेका मिडफिल्डर रोशन पहरीलाई भित्र्यायो। उनले १ लाख पाए।
एपीएफका प्रदीप लामालाई विराटनगर एफसीले लियो। उनलाई पहिलो चरणमा कसैले किन्न इच्छा देखाएका थिएनन्। उनले १ लाख ५० हजारमा पाए।
'ए' डिभिजन क्लब त्रिभुवन आर्मी फुटबल क्लबका फरवार्ड नवयुग श्रेष्ठ पनि दोस्रो पटकमा बिक्री भए। उनलाई पहिलो चरणमा कसैले किन्न इच्छा देखाएका थिएनन्। उनलाई दोस्रो चरणमा धनगढी एफसीले भित्र्यायो।
उनी गत सिजन पोखरा थन्डर्सबाट एनएसएल खेलेका थिए। ए डिभिजन लिग अगाडि नवयुगले चोट बोकेका थिए। उनी हाल चोटमुक्त भइसकेका छैनन्। उनले १ लाख ५० हजार पाए। यस्तै, पोखराले ‘बी’ क्याटोगोरीबाट सकल रेग्मीलाई भित्र्यायो। उनले १ लाख पाए।
यता, बुटवल लुम्बिनी एफसीले ‘बी’ क्याटोगोरीबाट क्रितेशरत्न छुन्जुलाई भित्र्यायो। उनले १ लाख पाए।
झापा एफसीले ‘सी’ क्याटोगोरीबाट विपिन कँडेल र जनक कोइरालाई लियो। उनीहरुले ५० हजार पाए। यता, यही ‘सी’ क्याटोगोरीबाट वीरगञ्ज युनाइटेडले विजय श्रेष्ठलाई लियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
