कैलाली कांग्रेस सभापतिका लागि मतदान सकियो, मतगणना आजै

राजनीति

नेपाल लाइभ बिहीबार, फागुन १९, २०७८ १६:१६

कैलाली– नेपाली कांग्रेस कैलालीको नयाँ सभापति चयनका लागि भएको दोस्रो चरणको निर्वाचनको मतदान सकिएको छ।

आइतबार भएको पहिलो चरणको निर्वाचनमा कुनै पनि उम्मेदवारले ५१ प्रतिशत मत ल्याउन नसकेपछि सभापपित चयन गर्न दोस्रो चरणको मतदान भएको हो।

कूल २ हजार ५७६ मतदाता रहेकोमा दोस्रो चरणको मतदानमा २ हजार ४६७ मत खसेको निर्वाचन अधिकृत टेकप्रसाद सुवेदीले जानकारी दिए।

कैलाली कांग्रेस सभापतिका लागि नारायण भट्ट र प्रकाशबहादुर बम चुनावी प्रतिस्पर्धामा छन्। पहिलो चरणमा बम पहिलो स्थानमा थिए भने भट्ट दोस्रो स्थानमा थिए। तेस्रो स्थानमा आएका रामबत्रहादुर कलेलले दोस्रो चरणमा बमलाई सघाउने निर्णय गरेका थिए।

भट्ट र बम दुबै संस्थापन (सभापति शेरबहादुर देउवा)निकट भएपनि कांग्रेस संस्थापनले भट्टलाई आधिकारिक उम्मेदवार बनाएको छ।

निर्वाचन अधिकृत सुवेदीले बिहीबार नै मतगणना गरिने जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सूनको मूल्य एकैदिन प्रतितोलामा एक हजार पाँच सय रूपैयाँ बढ्यो सुनको भाउ

प्रमुख सत्तारुढ दल नै सडकमा, दरबारमार्ग आसपासमा ट्राफिक जाम

नेतन्याहु, ग्यालेन्ट र डिफविरुद्ध आईसीसीको पक्राउ पुर्जी जारी