काठमाडौं– लुटोन टाउनमाथि पुनरागमन जित निकाल्दै प्रिमियर लिग क्लब चेल्सी एफए कपको क्वाटरफाइनलमा प्रवेश गरेको छ।
लुटोन टाउनमाथि उसकै मैदानमा ३–२ को जित निकाल्दै चेल्सी अन्तिम आठमा पुगेको हो। चेल्सीको जितमा सउल निग्वेज, टिमो वेर्नर र रोमेलु लुकाकुले गोल गरे भने लुटोन टाउनका रिस वर्क र ह्यारी कर्निकले गोल गरे।
लुटोनको मैदानमा बुधबार राति भएको खेलको दोस्रो मिनेटमै रिस वर्कको गोलबाट चेल्सी पछि परेको थियो। २७औं मिनेटमा सउल निग्वेजले गोल गर्दै खेललाई १–१ गोलको बराबरीमा ल्याए। ४०औं मिनेटमा ह्यारी कर्निकले गोल गरेपछि चेल्सी पहिलो हाफमा २–१ ले पछि परेको थियो।
खेलको ६८औं मिनेटमा टिमो वेर्नरले गोल गर्दै खेललाई २–२ गोलको बराबरीमा ल्याए। त्यसको १० मिनेटपछि ७८औं मिनेटमा रोमेलु लुकाकुले गोल गर्दै चेल्सीलाई ३–२ को रोमाञ्चक जित दिलाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
