काठमाडौं- नेपालले आईसीसी विश्वकप टी२० विश्वकप ग्लोबल छनोटमा क्यानडाविरुद्ध सानदार सुरुआत गरेको छ।
ओमान क्रिकेट एकेडेमी ग्राउन्ड–१ टस जितेर पहिला ब्याटिङ थालेको क्यानडाले ६ विकेट गुमाइसकेको छ।
तीव्र गतिका बलर कमलसिंह ऐरीलाई पहिलो ओभरको पाँचौं बलमा सट खेल्नेक्रममा म्याथ्यू स्पोर्स फाइनल लेगमा कुशल भुर्तेलबाट शून्यमा क्याच आउट गराए।
युवा ओपनर स्पोर्सले जारी प्रतियोगितामा फिलिपिन्सविरुद्ध डेब्यू गर्दै १ सय ८ रनको शतकीय इनिङ खेलेका थिए। उनी टि२० आई डेब्यूमै सर्वाधिक रन बनाउने खेलाडी समेत हुन्।
त्यस्तै, कमललेनै पाँचौं ओभरको तेस्रो बलमा कप्तान नवनित धालिवाललाई लोकेश बमबाट १८ रनमा क्याच गराए।
क्यानडाका प्रमुख ब्याटर धालिवाल पेभेलिएन फर्किनु अगाडि उनले १४ बलमा २ चौका र १ छक्का प्रहार गरे।
छैटौैं ओभरको दोस्रो बलमा ओपनर रयान खान पठान ११ बलमा १ चौका र १ छक्कासहित १४ रनमा रन आउट भए। उनलाई कमल र अविनास बोहोराले रन आउट बनाए।
मध्यक्रमका रविन्द्रपाल सिंह र हमजा तारिक पनि नेपाली बलरसामु टिक्न सकेनन्। सिंहलाई पाँचौं ओभरको अन्तिम मलमा अविनासले विकेट किपर आरिफ शेखबाट क्याच आउट गराए।
यता, कप्तान सन्दीप लामिछानेले छैटौं ओभरको अन्तिम बलमा हमाजालाई एलबी डब्ल्यू आउट बनाए। लगत्तै सातौं ओभरको तेस्रो बलमा साद बिन जफर रन आउट हुन पुगे। सातौं विकेट पनि सन्दीपको नाममा रह्यो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
