फाइल तस्बिर
काठमाडौं- नव प्रवेशी सातदोबाटो युथ क्लबसँग पराजित हुँदै ब्रिगेड ब्वाइज क्लब (बीबीसी) एक खेल बाँकी रहँदै सहिद स्मारक ‘ए’ डिभिजन लिगबाट रेलिगेसनमा परेको छ।
त्रिपुरेश्वरस्थित दशरथ रंगशालामा सोमबार भएको खेलमा सातदोबाटोसँग ३–२ को हार बेहोर्दै बीबीसी लिगको एक खेल बाँकी छँदै रेलिगेसनमा पर्ने दोस्रो टोली बनेको हो। यसअघि ललितपुरकै च्यासल युथ क्लब पनि एक खेल बाँकी छँदै रेलिगेसनमा परेको थियो।
सातदोबाटोको जितमा सुशिल राई, दीपकराज सिंह ठकुरी र निरज चौधरीले गोल गर्दा बीबीसीका बर्टान्ड इवोडे र रोशन राना मगरले बराबरी गोल फर्काएपनि हार टार्न सकेन।
खेलको १३औं मिनेटमा सुशिलले गोल गर्दै सातदोबाटोलाई १–० को अग्रता दिलाए। कप्तान मानबहादुर तामाङको क्रसमा बर्टान्ड इवोडे पुग्न नसकेको बललाई सुशिलले सहजै गोलमा परिणत गरे।
१६औं मिनेटमा इवोडेले गोल गर्दै खेललाई १–१ गोलको बराबरीमा ल्याए। दोर्जे तामाङको फ्रिकिकमा रुडी जोनाथनको प्रहारलाई क्लियर गर्न नसकेको बललाई बर्टान्डले सहजै जाली चुमाए।
१८औं मिनेटमा दीपकले गोल गर्दै सातदोबाटोलाई पुनः २–१ को अग्रता दिलाए। अजायी मार्टिन्सको हेड पासलाई दीपकले अफसाइड बिट ट्याप गर्दै गोलरक्षक गुरुप्रित सिंह अघि बढेको अवस्थामा खाली पोस्टमा गोल गरे।
५१औं मिनेटमा रोशन राना मगरले गोल गर्दै खेललाई २–२ गोलको बराबरीमा ल्याए। मनोज राईको फ्रिकिकमा रन्दि पौडेलको हेडरलाई गोलरक्षक अभिषेक बरालले नियन्त्रणमा लिन नसकेको बललाई खाली रहेका रोशनले सहजै गोल गरे।
८७औं मिनेटमा निरज चौधरीले गोल गर्दै सातदोबाटोलाई ३–२ को जित दिलाए। सुदिप गुरुङको पासमा उनले उत्कृष्ट गोल गरे ।
२०६१ म शीर्ष डिभिजन खेलेको बीबिसीले यो सिजन लिगमा एक खेल बाँकी छँदा १ खेलमा मात्रै जित हात पार्दा ७ हार चार बराबरीको नतिजा निकाल्यो। बीबीसीले पहिलो राउन्डमा एपीएफलाई ३–२ ले पराजित गरेपछि लिगमा जित निकाल्न सकेन।
यो सिजनसहित ७ सिजन शीर्ष डिभिजन खेलेको बीबीसी तेस्रोपटक रेलिगेसनमा परेको ह । बीबीसी २०६३ र २०६८ मा रेलिगेसनमा परेको थियो।
यो हारसँगै बीबीसीको १२ खेलबाट ७ अंक छ। बीबीसीको हारले फ्रेन्ड्स क्लबको रेलिगेसन टरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
